Negociatat midis Serbisë dhe Kosovës me zgjedhjen e presidentit të ri të SHBA-së, Joe Biden, janë rifreskuar në drejtim të njohjes reciproke, dhe çdo zgjidhje përfundimtare, ose ruajtja e situatës aktuale, me siguri do të ketë pasoja të konsiderueshme edhe për Bosnjë dhe Hercegovinën.
Kështu e fillon shkrimin mediumi boshnjak klix.ba, sipas të cilit, politika e administratës së (Donald) Trump ndaj Serbisë dhe Kosovës, e cila bazohej në çështje ekonomike, të paktën muajt e fundit, arriti të ndërmjetësojë në nënshkrimin e marrëveshjes më 5 shtator 2020, me rolin aktiv të përfaqësuesit për dialogun midis Serbisë dhe Kosovës , Richard Grenell.
Siç kujton mediumi në fjalë, ndër të tjera, me atë rast, u ra dakord që Serbia të hiqte dorë nga fushata e tërheqjes së njohjes së pavarësisë së Kosovës për një periudhë prej një viti, brenda kornizës kohore në të cilën Kosova gjithashtu pranoi që nuk do të kërkonte njohje të reja, përcjell Telegrafi.
“Duke injoruar kryesisht çështjet politike, marrëveshja u bazua në projekte infrastrukture dhe bashkëpunim ekonomik me ndihmë të fortë financiare të SHBA-së”.
Dhe gjatë seancës dëgjimore për konfirmimin e emërimit të tij më 19 janar, sekretari i ri i shtetit i Shteteve të Bashkuara, Antony Blinken, vlerësoi pozitivisht marrëveshjen për normalizimin e marrëdhënieve midis Kosovës dhe Serbisë, që do të thotë se SHBA-ja do të insistojë në respektimin e asaj të nënshkruar më parë.
Sidoqoftë, vlerëson klix.ba, duke pasur parasysh mesazhin e qartë të Biden, Serbia ka të ngjarë të vihet nën presion për të njohur përfundimisht Kosovën, përcjell Telegrafi.
“Pak më pak se dy vjet më parë, ekzistonte një mundësi që ideja për shkëmbimin e territoreve do të rrezikonte të gjitha shtetet etnike heterogjene të Ballkanit në planin afatgjatë. Por me insistimin e BE-së dhe Gjermanisë për pandryshueshmërinë e kufijve në Ballkan, një skenar i tillë i zi u shmang”, shkruan mediumi boshnjak, duke shtuar se marrëveshja e shtatorit dhe largimi i Trump, e larguan atë rrezik në të paktën disa vjet.
Por, vlerëson klix.ba, përveç kësaj, është treguar se kthesat në politikën amerikane janë të mundshme.
“Nga ana tjetër, një propozim i tillë është një mësim i qartë për faktorin politik boshnjak se nuk duhet të ketë ‘tifozllëk’ në marrëdhëniet midis Serbisë dhe Kosovës, sepse, të paktën kështu duket, çdo zgjidhje për këtë çështje mund të dëmtojë interesat e Bosnje dhe Hercegovinës”.
Në pjesën tjetër të shkrimit, klix.ba, thotë se mbajtja e kësaj çështje të pazgjidhur po e mban Serbinë të lirë të ‘shpenzojë’ të gjithë potencialin e saj politik në rajon.
“Ajo me të vërtetë nuk e sheh, as nuk e dëshiron, Kosovën brenda Serbisë. Megjithëse shpesh dëgjojmë se ‘Kosova është zemra e Serbisë’, e vërteta është se Kosova aktualisht është ‘monedha’ më e mirë për tregti, e cila kërkon të fitojë pozicionin më të mirë të mundshëm rajonal”.
Dhe në fund të shkrimit, mediumi në fjalë konsideron se mbetja e situatës aktuale ose njohja e Kosovës nga Serbia, në kontekstin e ndikimit të saj në Bosnjë dhe Hercegovinë, nuk do të ketë të njëjtat pasoja.
Në rast se Shtetet e Bashkuara i bëjnë presion Serbisë, thuhet ndër tjerash në shkrimin e mediumit në fjalë, i ofrojnë asaj koncesione të caktuara, dhe Vuçiq nga ana tjetër njeh Republikën e Kosovës, Serbia do të jetë në gjendje të drejtojë të gjithë energjinë e saj drejt Bosnjë dhe Hercegovinës, domethënë të vazhdojë të minojë stabilitetin e saj, por këtë herë me intensitet më të madh. /Telegrafi/
Promo
Reklamo këtuLufta Prigozhin - Putin
Më shumëTragjedia në Jabllanicë, pamjet nga kamerat e sigurisë tregojnë momentin e shembjes së objekti ku humbën jetën tre fëmijë
"I dëgjuam telefonat duke ju dridh nën plloçë" - banori i fshatit Jabllanicë rrëfen momentin e kërkimit të fëmijëve nën rrënoja
Tre fëmijë humbën jetën – gjithçka që dihet nga tragjedia në Jabllanicë të Gjakovës
Dy të maskuar me motor qëlluan mbi kamerat e shtëpisë, 3 vëllezërit i zunë në pritë - zbardhet ngjarja e djeshme në Malësinë e Madhe
Çahet toka në kodrat e Porto-Romanos, banorët ngrenë dyshime
Tragjedia në Jabllanicë të Gjakovës, policia: Objekti u shemb në rrethana të panjohura
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Ekskluzivisht në Telegrafi Deals – Nike REAX nga 101€ në 79.95€!
Çfarë do të thotë DeepSeek AI për marrëdhëniet e SHBA me Kinën?
Çdo fëmijë e don një xhaketë të re për vit të ri!
25% zbritje në çizmet Adidas Terrex? Zgjate dorën!
Hej djem! Super xhaketa e Adidas tani vjen me zbritje ekskluzive vetëm për ju
Më të lexuarat
Publikohen pamjet: A po luante Real Madridi me më shumë se një kundërshtar ndaj Espanyolit?
Barcelona po e mbyll afatin kalimtar dimëror me një top transferim - Deco në negociata
Përplasje mes Morgan dhe Carlson për ndërhyrjen e NATO-s në Kosovë, reagon ambasadori Meidani: Historia s'do të rishkruhet!
Bëri ndërhyrje horror në Mbappen, lojtari i Espanyolit tregoi se çfarë i tha francezit
Jozi befason me përgjigjen kur pyetet për vendin më të çuditshëm ku ka kryer marrëdhënie
Perez del kundër një top transferimi, cilësohej si zëvendësuesi i Toni Kroos