Cilësitë e grave të forta dhe me shumë stil

Ato ndjekin ëndrrat e tyre dhe e shohin çdo ditë të re si një mundësi për të bërë gjithçka edhe më të mirë

Personaliteti i tyre tërheq shumë njerëz në jetën e tyre, veçanërisht partnerët e mundshëm, të cilët gëzohen për shkak të cilësive të tyre unike dhe mënyrës autentike të jetës.

Nga: Albina Hyseni

Ato nuk jetojnë për t’u dukur

Ne të gjithë dëshirojmë mallra të caktuara materiale, por për të jetuar në mënyrë të shëndetshme duhet të krijojmë një ekuilibër të shëndetshëm. Gratë e forta e dinë se është shumë më mirë të investojnë paratë e tyre në përvoja që do t’i bëjnë ato më të lumtura sesa në mallra që vetëm do t’i shërbejnë për t’i treguar diçka dikujt tjetër.

Pranojnë papërsosmërinë e tyre

Shumë njerëz besojnë se nëse nuk ndjekin modelin e jetës të vendosur nga shoqëria, nëse nuk martohen dhe nuk formojnë një familje të përsosur me një person tjetër, ato do të jenë një dështim. Kjo nuk është e vërtetë. Secili prej nesh është unik dhe meriton të gjejë mënyrën e vet të të qenit i lumtur. Për ata që na duan, ne gjithmonë do të jemi mjaftueshëm, pavarësisht se si zgjedhim të jetojmë.

Nuk lejojnë moshën t’i kufizojë

Mosha mund të ndikojë ndjeshëm në jetën që udhëheqim nëse e lejojmë atë. Ne mund të besojmë se jemi shumë të vjetër për të provuar diçka të re, edhe nëse na bën të lumtur. E vërteta është se kurrë nuk është vonë për të përmbushur ëndrrat dhe për të kërkuar kënaqësi të tjera. Jetoni të tashmen dhe mos lejoni që ajo të kalojë pa u vënë re. Ji i lumtur sot, mos prisni deri nesër.

Ato kanë një marrëdhënie të mirë me trupin e tyre

Gratë e forta, përveç se duan dhe pranojnë trupat e tyre, marrin përgjegjësi dhe bëjnë zgjedhje që ruajnë shëndetin dhe cilësinë e jetës. Ato e dinë se trupat e tyre janë tempujt e tyre të veçantë dhe se gjithmonë duhet të kujdesen për ta.

Ato janë të ndershme në lidhje me dështimet e tyre

Askush nuk është i përsosur dhe hapi i parë drejt një jete më pozitive dhe më të ndërgjegjshme kërkon që t’i pranon sinqerisht gabimet e tyre dhe të përpiqesh t’i përmirësosh çdo ditë. Gratë e forta nuk i fshehin gabimet e tyre, i pranojnë me maturi dhe mençuri.

Ato janë selektive me njerëzit në jetën e tyre

Disa njerëz në jetën tonë, si kolegët e punës, nuk mund t’i zgjedhim, por kur bëhet fjalë për jetën tonë personale, ne kontrollojmë ata përreth nesh dhe ne duhet të zgjedhim me vetëdije, duke mbajtur vetëm ata që na respektojnë, na duan dhe që kujdesen për ne. Gratë e fuqishme janë selektive, lënë në rrethin e tyre ata që janë me të vërtetë pozitivë për jetën e tyre.

Ato janë krenare për aftësitë dhe dhuratat e tyre

Në botën tonë të rrjeteve sociale dhe urimeve të rreme, është shumë e lehtë të bindesh se jeta e të tjerëve është shumë më e mirë se e jona dhe se ne nuk kemi aftësi shumë të veçanta, por ajo që duhet të kuptojmë është se rrjetet sociale tregojnë një jetë të shtirur që jo gjithmonë korrespondon me realitetin. Personi që gjithmonë duket i qeshur, në të vërtetë mund të jetë keq brenda vetes.

Mos u mashtroni nga përsosja e rrjeteve sociale dhe kërkoni gjëra pozitive në veten tuaj, ku mund të punoni dhe përmirësoni. Ju jeni shumë më të fortë dhe më të aftë se sa mendoni dhe është normale të mos jeni më të mirët çdo ditë, por mos e hidhni veten poshtë. Dojeni së pari veten dhe rrethohuni nga njerëz që të vlerësojnë.

Ato nuk bëjnë atë që nuk duan të bëjnë

Gratë e fuqishme nuk bëjnë diçka thjesht që të pëlqehen nga njerëzit në jetën e tyre ose të marrin miratimin e tyre. Ato nuk ushtrojnë presion ose manipulim, por veprojnë sipas intuitës dhe ndjenjave të tyre, dhe kështu ato jetojnë shumë më të lumtura dhe më të shëndetshme.

Shmangin njerëzit manipulues

Këto gra e dinë se gjëja e fundit për të cilën kanë nevojë është një marrëdhënie toksike e bazuar në manipulime. Ato janë pronaret e jetës së tyre dhe vlerësojnë lirinë për të bërë zgjedhjet e tyre, kështu që ato largohen nga shenja më e vogël e sjelljes së kontrollit.

Cilësitë e një femre me shumë stil

Ajo shfaq kontroll emocional

Pa marrë parasysh se çfarë po ndodh, ajo e ruan qetësinë. Ajo mund të qeshë, ose të rrezatojë një shkëlqim verbues, por kurrë nuk jep shfaqje duke u shprehur me teprim, thjeshtë për të marrë vëmendje. Ajo është shumë më e mirë se kaq.

Ajo ka peshën e saj të madhe në bisedë

Zonjat me stil nuk flasin se duhet folur. Ato kanë ide, mendime dhe janë një partnere e mirë në bashkëbisedime. Ajo është e mirërregulluar, por jo narcisiste një zonjë ka gjithmonë klas në paraqitje por nuk është kurrë e obsesionuar me dukjen e saj. Kjo është një arsye për të cilën njerëzit janë të tërhequr prej saj – magjia e një gruaje me stil ndihet kollaj dhe natyrshëm, pa patur nevojë për teprime.

Ajo nuk e fsheh bukurinë e saj natyrore, nën përbërje të ngjyrosura dhe as nuk vendos stoli të tepërta. Ajo nuk do që të merret si e mirëqenë pasiqë ajo e njeh vlerën e saj dhe vetëbesimi i saj është i shëndetshëm. Nëse nuk dini si ta çmoni, ajo do të ikë. 

Autorja ka studiuar Administratën Publike,
Marrëdhëniet Ndërkombëtare dhe Studimet Evropiane

/Telegrafi/