Çiklisti udhëton 800 kilometra “në drejtim të kundërt”, kërkon thyerjen e rekordit botëror të Guinness

Një çiklist nga Alaska po përpiqet të marrë mirënjohje nga Rekordet Botërore Guinness pasi bëri një shëtitje prej 800 kilometrash me biçikletë nëpër Iowa – duke ecur “në drejtim të kundërt”.

Will Walker bëri një xhiro prej 800 kilometrave nëpër shtet me rreth 30,000 çiklistë të tjerë në udhëtimin vjetor të Register’s Annual Great Bicycle Ride Across Iowa, por Walker ishte i vetmi anëtar i grupit që u ul në biçikletën e tij dhe shikonte nga pas për të drejtuar ndërsa lëvizte.

Walker tha se fillimisht filloi të përdorte metodën e pazakontë të çiklizmit rreth një dekadë më parë, raporton UPI, përcjell Telegrafi.

“Unë thjesht isha ulur me miqtë e mi, isha ulur ashtu si kjo duke folur me ta dhe thjesht vendosa të shikoja nëse mund të ngas kështu”, deklaroi ai.

“Tani kam filluar të bëj evente dhe jam duke u njohur në të gjithë botën për këtë”, shtoi tutje Walker.

Walker dorëzoi prova nga udhëtimi i tij në Rekordet Botërore Guinness për të parë nëse ai mund të kapte rekordin për çiklizmin në distancën më të gjatë në drejtim të kundërt.

Rekordi aktual u vendos në vitin 2013 nga Australiani Andrew Hellinga, kur ai përshkoi 337 kilometra. /Telegrafi/