Me rezultat 4-2, Chelsea ka fituar përballë Leicester Cityt dhe është kualifikuar në të tetën e finales së Kupës EFL.
Kampioni e nisi fuqishëm sfidën duke krijuar epërsi të dyfishtë. Shinji Okazaki ishte protagonist i skuadrës vendase në dy raste.
Dy gola nga Okazaki në pjesën e dytë.
Ai fillimisht shënoi në minutën e 17-të, ndërsa e dyfishoi epërsinë kur po zhvillohej minuta e 34.
Blutë dhanë shenjë për rikthim në fund të pjesës së parë duke e ngushtuar rezultatin me golin e Gary Cahill (45’+2).
Goli i Cahill ishte momenti kthyes i Chelseat.
Për ta barazuar rezultatin u kujdes Cesar Azpilicueta me një gol shumë të bukur (50’). Deri në fund të kohës së rregullt nuk pati gola të tjerë, ndërsa Marcin Wasilewski u përjashtua me karton të kuq (89’).
Rezultati i barabartë e dërgoi ndeshjen në vazhdime, ku duhej gjetur fituesi i kësaj përballjeje.
Fabregas e vulosi takimin.
Dhe me të filluar pjesa e parë e vazhdimeve, në skenë doli Cesc Fabregas. Mesfushori spanjoll shënoi dy gola të shpejtë për të përmbysur gjithçka (92’ dhe 94’).
Leicesteri nuk ia doli të bënte asgjë në minutat e mbetura dhe u eliminua nga Kupa EFL. /Telegrafi/
https://www.dailymotion.com/video/x4tyzkr_shinji-okazaki-goal-leicester-2-0-chelsea-20-09-2016-hd_sport
https://twitter.com/VivaDrogba/status/778334830748729344
