Challandes: Danimarka një test i mirë, Hekurani nuk do të luajë

Trajneri i Përfaqësueses së Kosovës, Bernard Challandes, ka folur për media para miqësores ndaj Danimarkës.

Tekniku zviceran e shikon ndeshjen si një test të mirë, ndërsa ka konfirmuar edhe mungesën e Hakuran Kryeziut.

“Kemi pasur sukses në Ligën e Kombeve, por tani është një histori tjetër. Danimarka është një nga skuadrat më të mira në botë, por do të jetë një test shumë i mirë”.

Lexo po ashtu Challandes nuk i pengoi prania e politikanëve në stërvitjen e së hënës

“Ndoshta dikush mendon pse ne duhet të luajmë ndaj një skuadre kaq të fortë para ndeshjes ndaj Bullgarisë, por kjo është një mundësi për progres dhe që të kemi progres duhet një kundërshtar i mirë”.

“Trajneri i Danimarkës e shikon ndeshjen si një stërvitje të mirë, kjo deklaratë është keqkuptuar, mendimi juaj? Nuk mendoj ashtu, nuk ka ndeshje të lehtë, nuk ishte e lehtë fitorja ndaj Maltës apo ndonjë skuadre. Danimarka mund të luajë ndaj skuadrave të mëdha, por e atillë është edhe Kosova. E dimë të gjithë që Danimarka ka një ndeshje të fortë pas disa ditësh dhe kështu ishte vendimi i tyre të zgjedhin Kosovën. Ne nuk jemi Franca, por dimë të luajë futboll. Ne nuk i frikësohemi ndeshjeve të mëdha”.

“Hekuran Kryeziu? Nuk është i gatshëm të luajë nesër dhe nuk do ta rrezikojmë. Nuk do të luajë ndaj Danimarkës. Ai është shumë i rëndësishëm, por shpresojmë që ai të luajë të hënën ndaj Bullgarisë”.

“Kapiteni në dy ndeshjet e radhës? Për nesër nuk kam shumë kapiten në dispozicion, por nuk është problem. Do të vendosi ndoshta sot pas stërvitjes”, ka thënë Challandes. /Telegrafi/