Çfarë do të ndodhte nëse në vend të kafes do të pinit çaj?

Në debatin mes kafes dhe çajit, shumica zgjedhin njërën ose tjetrën pa hezitim

Disa nuk mund ta imagjinojnë mëngjesin pa një filxhan kafeje, ndërsa të tjerë i besojnë efektit qetësues të çajit.

Për dikë që e ka konsideruar veten gjithmonë një adhurues të kafes, kalimi te çaji mund të duket si një sfidë e vështirë, por a mund të sjellë ndryshime të papritura?

Përfitimet e çajit

Ndikimi në humor, ankth dhe depresion

Për shkak të përmbajtjes më të ulët të kafeinës, çaji i zi mund të ofrojë një rritje të humorit pa shkaktuar nervozizëm apo pagjumësi, siç mund të ndodhë me kafen, sipas Alicia Bigelow, naturoterapiste.

Ndërkohë, çajrat që përmbajnë barishte adaptogjene, si ashwagandha ose rhodiola, si dhe bimë relaksuese si kamomili, ndihmojnë në uljen e stresit dhe promovojnë një ndjenjë qetësie. Çajrat bimorë si livanda janë të shkëlqyer për relaksim pa shkaktuar përgjumje.

Niveli i energjisë

Çaji i zi dhe matcha përmbajnë kafeinë, e cila ndihmon në përqendrim. Por, ndryshe nga kafeja, matcha ka edhe një përbërës shtesë: L-theanina, një aminoacid që promovon qetësinë dhe ndihmon në neutralizimin e efekteve anësore të kafeinës. Kjo ofron një shtysë më të qëndrueshme të energjisë, pa rëniet e papritura që shpesh ndodhin pas konsumimit të kafes.

Edhe pse kafeja ka ende vendin e saj në përditshmëri, çaji mund të jetë një alternativë shumë e mirë për ata që kërkojnë një nxitje të butë të energjisë, pa efektet anësore të nervozizmit dhe rënies së përqendrimit.

Në fund të fundit, ndoshta nuk është nevoja të zgjidhet vetëm njëra – të dyja kanë vendin e tyre në rutinën e përditshme. /Telegrafi/