Çfarë po ndodh me Sergio Ramos te Paris Saint-Germain?

Sergio Ramos nuk e ka pasur fillimin ideal të jetës në Paris Saint-Germain që kur iu bashkua klubit nga Real Madrid këtë verë.

Testet e tij mjekësore në korrik nuk treguan asnjë problem, por që atëherë ai ka pasur probleme me dëmtimet të cilat e kanë penguar atë të bëjë debutimin e tij në PSG.

Klubi francez raportoi se ai do të kthehej në aksion pas pushimit ndërkombëtar të këtij muaji, por ata kohëve të fundit kanë thënë se ai është ende duke u shëruar dhe nuk ka një datë konkrete për kthimin e tij.

Lexo po ashtu Nga Messi te Ramos dhe Donnarumma - PSG prezanton top pesë blerjet e verës në stadiumin e stërmbushur me tifozë

Tifozët po bëhen të paduruar për të parë lojën e 35-vjeçarit në Parc des Princes, por Le Parisien ka zbuluar se ata do të duhet të jenë të durueshëm.

View this post on Instagram

A post shared by Sergio Ramos (@sergioramos)

Nuk ka luajtur për katër muaj

Ramos nuk ka luajtur një ndeshje konkurruese që nga 5 maji, kur Real Madridi humbi nga Chelsea në ndeshjen e dytë gjysmëfinale të Ligës së Kampionëve, dhe ai ka qenë jashtë fushe për gjithsej 200 ditë këtë vit kalendarik.

Ai është padyshim i padisponueshëm për ndeshjen e PSG-së në Ligue 1 kundër Clermont dhe është një dyshim i madh për ndeshjen e parë të Ligës së Kampionëve në udhëtim te Club Brugge javën e ardhshme. /Telegrafi/