Çfarë ndodhi në episodin e 14-të të serialit “Rrushe”?

Episodi i 14-të i serialit “Rrushe” ishte i mbushur me tension. Pas shumë sfidave që i kaluan personazhet kryesore të këtij seriali, duket se vështirësitë ende po vazhdojnë. Në episodin e fundit u hapën shumë dyer të reja. Përmbledhjen e episodit të 14-të të “Rrushe” e gjeni në këtë artikull.

Arrestimi i Agim Pirullit, i denoncuar nga mbesa e tij Vesa, e sjellë atë para Inspektore Temaj, e cila e shikon Agimin si të dyshuarin kryesor në vrasjen e trefishtë të episodit të parë. Agimi nuk duket i frikësuar, pasi që ndihet plotësisht i pafajshëm. Në anën tjetër, Mentor Pirulli takohet me biznismenin Vehbi Nallaku, një nga të interesuarit për të përfituar nga tokat e Pirullëve dhe të tjerëve. Vehbi Nallaku i tregon Mentorit se ia ka blerë borxhin e krijuar nga bixhozi. Kjo nuk e lehtëson Mentorin, pasi që ai e di se për këtë do të paguajë shumë. Vehbiu i kërkon Mentorit që t’ia shet tokën. Derisa kjo po ndodhë, Vesa Pirulli ftohet nga Inspektore Temaj, e cila ka zbuluar fotografitë ku shihet Vesa duke dorëzuar kartelën me foto. Temaj dhe Vesa shkëmbejnë fjalë të rënda mes vete, por për inspektoren gjërat ende mbesin të mjegullta.

Armendi takohet me Arsimin, për të cilin e kemi kuptuar në episodin e 13-të që është i vdekur dhe i shfaqet vetëm Armendit. Arsimi e përgëzon Armendin për rrëfimin e tij, si dhe i kërkon që ta thërrasë Sarën, një vajzë që Armendi e pëlqen që moti.

Vesa, e stërmbushur nga ndodhitë, thërret Beratin dhe kërkon që të largohen nga qyteti për disa ditë. Ndërkohë, Dini shihet me telefonin e Arbenit, i cili e kishte harruar telefonin në kafene para se të zhdukej. Dini dorëzon telefonin në polici.

Vesa dhe Berati marrin rrugë dhe Berati ndalet në dyqan. Inspektore Temaj kapë telefonin e Arbenit dhe thërret numrin e fundit që kishte thirrë Arbeni para se të vdiste. Vesa, e vetme në veturë dëgjon një vibrim, dhe sheh se nga një telefon i fshehur i Beratit figuron emri Arben Rama.
Vesa largohet, e bindur se i dashuri i saj Berati është vrasësi i Arbenit.

“Rrushe” rikthehet të dielen me episodin 15, të cilin mund ta ndiqni në ora 20:00 në T7 dhe në ora 21:00 në gjirafaVideo.com.
Episodin 14 mund ta shikoni më poshtë.