Çfarë duhet të hani dhe të shmangni nëse jeni duke u përpjekur të shtoni peshë

Kur bëhet fjalë për humbjen e peshës, ka kaq shumë informacion dhe kaq shumë plane diete për të ndihmuar, por çka nëse keni nevojë për të shtuar peshë?

Nutricionistja Jenna Hope ka zbuluar më shumë.

Çfarë në të vërtetë do të thotë të jesh nën peshë?

Aktualisht të qenit nën peshë klasifikohet duke pasur një indeks të masës trupore më pak se 18.5. Ka pyetje rreth përdorimit të indeksit të masës trupore si një shënues i peshës. Sidoqoftë, kjo metodë përdoret aktualisht nga Qendrat për Kontrollin dhe Parandalimin e Sëmundjeve (CDC).

Kontrolloni indeksin tuaj këtu.

Cilat janë pasojat shëndetësore të të qenit nën peshë?

Të qenit nën peshë mund të kontribuojë në një sërë probleme shëndetësore si mungesa e lëndëve ushqyese dhe pamundësia për të mbështetur funksionin normal fiziologjik, funksionin e zvogëluar të imunitetit, gjumin e dëmtuar, rrezikun e dobësisë së muskujve dhe kockave për një periudhë të gjatë kohore.

Është e rëndësishme të theksohet se humbja e peshës dhe të qenit nën peshë mund të ndodhin për një numër arsyesh përfshirë stresin, ngrënien e çrregullt dhe më shumë. Kushdo që shqetësohet për humbjen e peshës së tij ose statusin e tij aktual të peshës duhet të kërkojë këshilla të personalizuara nga mjeku i tij.

Si të fitoni peshë në mënyrën shëndetësore?

Është e zakonshme të mendosh se shtimi i peshës kërkon që ju të hani shumë ushqime të pashëndetshme. Sidoqoftë, ky nuk është rasti dhe shtimi i peshës duhet të kryhet ngadalë për një periudhë të gjatë kohore përmes konsumimit të ushqimeve të dendura me lëndë ushqyese. Meqenëse nën pesha mund të shoqërohet me mungesa të lëndëve ushqyese, ngrënia e shumë ushqimeve të përpunuara, me sheqer të lartë mund të rrisë peshën, por nuk do të ndryshojë mungesat e lëndëve ushqyese, të cilat mund të shkaktojnë kequshqyerje.

Si rezultat, rekomandohet të konsumoni ushqime të pasura me yndyra të shëndetshme, proteina dhe karbohidrate komplekse. Arrat, farat, mishi, peshku me vaj, tërshëra, perimet dhe vaji i ullirit janë disa ushqime për t’u provuar.

Cilat janë ushqimet më të mira për të fituar peshë?

Ushqimet e pasura me energji dhe mikroelemente janë optimale për të mbështetur shtimin e peshës. Ushqime të tilla përfshijnë avokado, ullinj, vaj ulliri, bajame, gjalpë kikiriku, salmon dhe qumështore me yndyrë të plotë.

Çfarë duhet të shmang kur përpiqem të shtoj peshë?

Kur është e mundur, shmangni produktet me pak yndyrë ose dietike pasi që këto shpesh përmbajnë sheqer ose ëmbëlsues artificial. Kini kujdes që të qëndroni të hidratuar dhe siguroheni që hani rregullisht për të ruajtur ekuilibrin e sheqerit në gjak. /Telegrafi/