Çfarë duhet të bëjmë kur sinuset tona inflamohen dhe nuk marrim frymë!

Si ta trajtojmë sinusitin dhe sa shpesh mund të përdorim pika për hundën për ftohjet

Moti i ftohtë sjell probleme të shumta shëndetësore, duke përfshirë ftohjen, gripin dhe inflamacionet e sinuseve.

Për pacientët më të ndjeshëm, një ditë nuk mund të kalojë pa hundë të zënë. Ka edhe dhimbje koke të bezdisshme.

Dhimbja e sinusit mund të ndodhë në pjesë të ndryshme të kokës. Lloji i dhimbjes së kokës varet nga ajo se cila zgavër e sinusit është prekur nga inflamacioni.

Pra dhimbja mund të jetë ballore dhe të shkojë në rrënjën e hundës apo edhe në pjesën e pasme të kokës në rast të inflamacionit të sinusit sfenoid.

Kur sinusi frontal është i përflakur, mund të shkaktojë dhimbje kur përkulemi për të lidhur lidhëset e këpucëve dhe zakonisht ky është një inflamacion akut, transmeton Telegrafi.

Cilat janë shkaqet e tjera të inflamacionit të sinusit?

Rrymimi i ajrit ose klima nuk janë shkaqe të drejtpërdrejta të inflamacionit të sinusit, por mund të çrregullojnë aftësinë tonë imune në një kuptim negativ dhe pastaj viruset e bakteret vijnë deri tek ajo dhe krijojnë një problem me sinuset.

Simptomat e problemeve të sinusit:

▪ vështirësi në frymëmarrje
▪ gërhitje
▪ shkarkimi i sekrecioneve në fyt
▪ dhimbje në rrënjën e hundës
▪ dhimbje koke
▪ nuhatje e dobësuar
▪ dëgjim i dëmtuar

Lexo po ashtu Qe si të pastroni sinuset nga qelbi dhe mukoza: Për dhjetë ditë do të merrni frymë me mushkëri plot!

Cilat janë masat parandaluese?

Për të mbrojtur dhe parandaluar shfaqjen e inflamacionit të sinusit:

▪ vishni një kapele kur është ftohtë
▪ shmangni shkujin
▪ shmangni fryrjen e ajrit të ftohtë direkt në fytyrë
▪ përdorimi i sprejit të hundës me bazë pantenol
▪ përdorimi i tretësirave izotonike të kripës së detit

Mjekët e fushës thonë se pacientët që kanë probleme me inflamacionin e shpeshtë të sinusit nuk duhet ta mbajnë dritaren anash të hapur gjatë vozitjes, por të hapin dritaren pranë pasagjerit apo xhamat e pasmë. Përdorimi i rregullt i spërkatësve për hundë mund të shërbejë gjithashtu si masë parandaluese. Megjithatë, ato nuk duhet të teprohen, sepse janë një kortikosteroid me veprim të shpejtë që çon në varësi. Përdorini për pesë ditë dhe më pas duhet të bëni një pushim prej dy ose tre ditësh.

Lexo po ashtu Antibiotikët të tejpërdorur te sinusitet

Simptomat dhe terapia për sinusitin

Dhimbje koke, shkarkim të sekrecioneve në fyt, ulje ose humbje të nuhatjes dhe vështirësi në frymëmarrje përmes hundës. Nëse pacienti ka dy nga këto katër simptoma që zgjasin më shumë se dymbëdhjetë javë, përveç terapisë së përshkruar, flasim për inflamacion kronik, afatgjatë të sinusit.

Preparatet që ndihmojnë lehtësimin e sinuseve janë:

▪ enzima serapeptaza
▪ N-acetil-cisteina
▪ beta glukan

/Telegrafi/