Ceremonia e nderimit të Maradonës: Mjekët thonë se është burim i infeksioneve, tifozët as që dëshirojnë të dëgjojnë

Mijëra argjentinas, të veshur me fanellat e futbollit dhe maska në fytyrë, kanë marrë rrugët e Buenos Aires për t’i bërë nderimet e tyre të fundit gjeniut të futbollit Diego Maradona – pavarësisht shqetësimeve rreth përhapjes së COVID-19.

Turmat, të cilat disa presin që të arrijnë një milion njerëz për të parë arkivolin e Armando Diego Maradonës pas vdekjes së tij të mërkurën, pasqyrojnë statusin e yllit të futbollit në vendin e Amerikës së Jugut, ku ka ndjekje pothuajse kulti dhe njihet me dashuri si “Zoti”, raporton reuters.

“Duhet të jesh këtu. Nuk kishte si të mos ndodhte kjo. Disi edhe ky është Maradona, duke thyer rregullat”, tha Marcelo Gades, një punonjës 52-vjeçar, i cili po priste të bënte nderimet, transmeton Telegrafi.

View this post on Instagram

A post shared by Telegrafi Sport (@telegrafisport)

Argjentina ka regjistruar gati 1.4 milion raste dhe 37,714 vdekje nga pandemia e coronavirusit. Qeveria vendosi një bllokim të rreptë në muajin mars.

Lexo po ashtu Diego Armando Maradona, lamtumira e një legjende të futbollit: Rrëfimi për djaloshin e varfër që bëri botën ta dashurojë falë magjisë së tij

“Kaq shumë njerëz së bashku për t’i dhënë lamtumirën Maradonas është një burim i infektimit të drejtpërdrejtë me COVID-19”, tha mjeku 55-vjeçar argjentinas, Alberto Ugalde për Reuters. “Unë shoh që rrugët janë mbushur me njerëz, madje edhe pa maska në fytyrë”, shtoi ai.

“Unë e kuptoj dhimbjen, duke pasur parasysh se çfarë idhulli është ai për ne, por rreziqet shëndetësore janë të larta”, përfundoi mjeku. /Telegrafi/