Çdo njeri po i adhuron modelet e kampanjës së re të jelekëve sportiv të Nike-s

Nuk duhet të jetë ndonjë gjë e madhe kur kompanitë përdorin modele të cilat nuk janë të bardha dhe tejet të holla.

Por, kur disa kompani dalin nga “rutina” e cila për një kohë të gjatë ka qenë normale, atëherë brendi i tyre merr vëmendje të veçantë dhe padyshim që meriton lëvdata, transmeton Telegrafi.

Me të vërtetë që gëzohemi të gjithë kur hasim në kampanja të tilla. Por pse? Sepse ta shikoni veten duke u përfaqësuar në çfarëdo mënyre, është e rëndësishme. Është një gjë e fuqishme!

https://www.instagram.com/p/BH7bqKvBbMU/

Pra, bravo Nike! Kampanja e tyre e re është gjithëpërfshirëse, pasi që përdorë modele të cilat nuk janë domosdoshmërish të holla dhe me kocka në bark.

Nike ka shpërndarë dy fotografi të modeleve si pjesë e koleksionit të tyre të ri Nike Pro Bra. Modelet e përfshira në këtë kampanjë janë modelja Paloma Elsesser dhe instruktorja e jogas Claire Fountain – të dyjave u pëlqejnë ushtrimet fizike (prandaj janë zgjedhja e duhur për kampanjën e Nike), mirëpo ato rastisin të kenë madhësi më të madhe sesa ato që jemi mësuar t’i shohim në reklamat e kësaj kompanie.

https://www.instagram.com/p/BH0HVgyj6Ak/

Sidoqoftë, duhet lavdëruar kompaninë Nike që po i dëgjon dëshirat e të gjithë botës dhe po i përfshinë modelet, trupat e të cilave janë “afër mesatares”. Të shpresojmë që do të ketë shumë më shumë kampanja të tilla në të ardhmen. /Telegrafi/