Carragher dhe Richards parashikojnë fituesin e këtij edicioni të Ligës së Kampionëve

Jamie Carragher dhe Micah Richards kanë bërë parashikime të guximshme për fituesit e tyre të Ligës së Kampionëve.

Gara kryesore për klube në Evropë u rikthye të martën në mbrëmje me të tetën e finales, kur Milani mposhti Tottenhamin 1-0 në San Siro, ndërsa Bayern Munich mposhti Paris Saint-Germain në Parc des Princes me të njëjtin rezultat.

Ndeshjet vazhdojnë të vijnë pasi ekipe si Real Madrid, Liverpool, Chelsea dhe të tjerë synojnë të shtojnë trofetë evropianë.

Lexo po ashtu Po rikthehet Liga e Kampionëve, me të rikthehen edhe parashikimet se kush është favoriti për ta fituar garën më të madhe për klube në Evropë

Një pjesë e ekipit të ekspertëve në CBS Sports, Carragher dhe Richards iu kërkua që të dy të bënin parashikimet e tyre se kush mendojnë se do të ngrejë trofeun në fund të edicionit – secili duke zgjedhur fituesit për herë të parë.

“Unë mendoj se Napoli. Napoli me formën e tij ka qenë brilant”, deklaroi ish-mbrojtësi i Manchester Cityt, Richards.

“Për sa i përket favoritëve të dalluar, është e vështirë. Thjesht mendoni se në fund të sezonit, skuadrat do të përmirësohen, por në formë mendoj se Napoli”.

Lexo po ashtu Nuk e përballoi humbjen ndaj Bayernit, Ramos bëri sjellje të shëmtuara ndaj dy fotografëve

Ndërsa Carragher vuri në dukje se sa i impresionuar kishte qenë me skuadrën italiane këtë sezon, por parashikoi se ish-skuadra e Richards, Manchester City do t’i jepte fund pritjes së gjatë për një trofe evropian.

“Po, mendoj se Napoli tani është ekipi më në formë”, potencoi ish-lojtari i Liverpoolit. “Do të doja t’i shihja ata ta fitonin trofeun. Por, unë mendoj se ky mund të jetë sezoni i Manchester Cityt”. /Telegrafi/