Carovska: Do të punojmë për përmirësimin e jetës së pensionistëve

Mbi 500 pensionistë nga 40 shoqata të pensionistëve të Maqedonisë do të marrin pjesë në 11 disiplina sportive në edicionin e 22-të të Garave sportive të pensionistëve që do të mbahet në Koçan, në organizim të Këshillit të shoqatave të pensionistëve të Maqedonisë me përkrahje të Ministrisë për Punë dhe Politikë Sociale, përcjell Telegrafi Maqedoni.

“Personat e moshuar dhe pensionistët mbajnë mençurinë në vete, ne mësojmë nga ju. Si Qeveri ne do t’i respektojmë të gjitha kërkesat tuaja si organizatë e pensionistëve. Do të mundohemi që si Qeveri dhe Ministri ta përmirësojmë cilësinë e jetës së pensionistëve në më shumë segmente të jetës. Do të vazhdojmë me masën për shërime në banjë deri në fund të këtij viti dhe planifikojmë ta realizojmë edhe në vitin 2018. Do të rrisim pesnionet në përputhje me shpenzimet për jetesë dy herë në vit dhe në fund të vitit”, tha Ministrja për punë dhe politikë sociale, Milla Carovska.

Nënkryetari i KSHPM, Salltir Karovski foli për aktivitetet e këtij këshilli të shoqatave të pensionistëve dhe tregoi historinë e këtyre garave duke thënë se edicioni i parë është mbajtur në vitin 1996 në Ohër./Telegrafi/