LAJMI I FUNDIT:

Cameronit i kërkohet dorëheqja

Cameronit i kërkohet dorëheqja

Kryeministri britanik, David Cameron, ndërmori sot hapin e pazakontë të publikimit të deklaratave të tij të taksave për gjashtë vitet e fundit, me shpresën për të qetësuar polemikat rreth llogarive të babait të tij në parajsat fiskale. Megjithatë, dhurata të shtrenjta të dhëna nga e ëma e tij tërhoqën menjëherë vëmendje.

Në përmbledhjen prej tre faqesh rezulton se Mary Cameron i ka bërë atij dy dhurata me vlerë prej 320 mijë dollarë në vitin 2011, pas vdekjes së të atit, Ian Cameron.

Ditën e djeshme, opozita dhe protestuesit në Britani i bënë thirrje kryeministrit David Cameron të japë dorëheqjen pasi u zbulua aktiviteti financiar i familjes së tij në skandalin e “Dokumentave të Panamasë”.


Turma e mbledhur dje përpara rezidencës së kryeministrit në Londër thërriste për largimin e zotit Cameron.

Protestues ishin mbledhur edhe përpara godinës ku mbahej një takim i Partisë Konservatore, ku po merrnin pjesë edhe Cameron dhe kryebashkiaku i Londrës, Boris Johnson. Policia u detyrua të bllokonte shkallët e hyrjes për të mos lejuar turmën e zemëruar.

Dokumentet e dalë nga firma ligjore panameze Mossack-Fonseca treguan se babai i tij, Ian Cameron, ishte bashkëpronar i kompanisë “Blairmore Holdings”, në Bahamas, ku edhe kryeministri rezulton me pjesën e tij.

“Kam blerë aksione më se të zakonshme në një shoqëri, për të cilat kam paguar taksat. Realisht i kam shitur të gjitha aksionet, kur u bëra Kryeministër. Do të bëj publike të dhënat në formularët e mi të taksave për vite të tëra që kanë kaluar, pasi dua të jem transparent”, tha Cameron.

Skandali i Dosjes Panama u shfaq në një periudhë të vështirë për zotin Cameron, i cili është duke bërë fushatë për qëndrimin e Britanisë brenda Bashkimit Evropian, ndërsa britanikët po shkojnë drejt referendumit për këtë çështje, më datë 23 qershor. Cameron është shprehur se përgjegjësia është vetëm e tij, për mënyrën e reagimit kur filloi publikimi i të dhënave dhe premtoi se do të nxjerrë mësime. Nuk është e qartë nëse kjo lloj pendese do të shuajë thirrjet për dorëheqjen e tij.

Në trend Botë

Më shumë
Ukraina ‘mund të jetë ruse një ditë’, thotë Trump përpara takimit të Zelensky me Vance

Ukraina ‘mund të jetë ruse një ditë’, thotë Trump përpara takimit të Zelensky me Vance

Amerika
FBI me dokumente të reja sekrete për vrasjen e John Kennedy

FBI me dokumente të reja sekrete për vrasjen e John Kennedy

Amerika
Trump emëron Richard Grenellin si drejtor të përkohshëm të Qendrës Kennedy për Artet Performuese në Uashington

Trump emëron Richard Grenellin si drejtor të përkohshëm të Qendrës Kennedy për Artet Performuese në Uashington

Amerika
Politikani serb, Çedomir Jovanoviq pretendon se është rrahur – nuk ndalë lotët derisa tregon dorën në allçi

Politikani serb, Çedomir Jovanoviq pretendon se është rrahur – nuk ndalë lotët derisa tregon dorën në allçi

Serbia
Zgjedhjet në Gjermani - çfarë fshihet pas posterave me Putinin?

Zgjedhjet në Gjermani - çfarë fshihet pas posterave me Putinin?

Evropa
Rusia kryen sulm të madh me raketa dhe dronë në Ukrainë, NATO ngrit në qiell aeroplanët F-15 dhe F-35 në kufirin e saj lindor

Rusia kryen sulm të madh me raketa dhe dronë në Ukrainë, NATO ngrit në qiell aeroplanët F-15 dhe F-35 në kufirin e saj lindor

Evropa
Kalo në kategori