Bytyqi fantastik, tjetër asistim të rëndësishëm për Konyasporin 

Zymer Bytyqi ka vazhduar me formë fantastike në kampionatin turk me Konyasporin.

Ylli nga Kosova ka qenë edhe njëherë vendimtar me për skuadrën e tij, e cila mori një pikë të artë në udhëtim te Kasimpasa.

Bytyqi u fut në ndeshje në minutën e 63-të, derisa dhuroi një asistim fantastik për Kravets që shënoi në minutën e 91-të për t’i dhënë epërsinë Konyasporit 0-1.

Por krejt në fund të ndeshjes, në minutën e 96-të, vendasit e Kasimpasas barazuan rezultatin në 1-1 falë golit të shënuar nga Hajradinovic.

Kësisoj ndeshja përfundoi me rezultat të barabartë, derisa Bytyqi edhe njëherë tregoi formë të lartë në ato minuta që ishte në fushë.

Për 24-vjeçarin ky ishte asistimi i katërt në elitën e futbollit turk, derisa një tjetër e ka bërë edhe në Kupën e Turqisë.

Bytyqi iu bashkua Konyasporit në janar nga skuadra norvegjeze Viking.

Sulmuesi anësor pritet të marrë ftesë nga Kosova për ndeshjet e muajit mars, pasi është ndër lojtarët ofensivë më në formë.

Vlen të theksohet se për Konyasporin u aktivizua si titullar edhe Sokol Cikalleshi, derisa për Kasimpasën luajtën edhe dyshja nga Kosova, Florent Hadergjonaj 90 minuta dhe Loret Sadiku 20 minutat e fundit të ndeshjes. /Telegrafi/

https://twitter.com/romaki16/status/1371522123529920515?s=20