Britaniku me “sy shqiponje” mbledh monedha në rrugë për 14 vjet, tanimë ka arritur në një sasi të pabesueshme (Foto)

Ian Watt sa herë që pa një monedhë në rrugë, u përkul dhe e mori. Dhe për 14 vjet ai ka mbledhur rreth një milion monedha.

Siç raportojnë mediat britanike, përcjell Telegrafi, teknologu në pension Watt (70) nga Great Lumley, Durham (Britani e Madhe), filloi të argëtohej duke kërkuar monedha, por një gjë e tillë për të u bë shumë shpejt pasion.

Madje, siç thotë ai, në momentin që e kuptuan pasionin e tij, edhe njerëzit që e njihnin mblidhnin monedha për të.

Së bashku me “asistencën e miqve” ai grumbulloi saktësisht 954,000 monedha të humbura, me vlerë 47,000 paund.

Por babai i dashur nuk ka mbajtur asnjë cent për veten e tij.

Në vend të kësaj, Ian i ka dhuruar të gjitha gjetjet e tij në një qendër kujdesi për të sëmurët në Durham, ku ai punon si vullnetar.

Një zëdhënës i kësaj qendre e ka përshkruar Ianin si një “frymëzim” për të tjerët. /Telegrafi/

Since 2004, Ian Watt has collected 954,000 5p pieces for @StCuthsHospice in Durham, where he's a #volunteer. That's added up to £47,700 in total – and Ian says his aim is to reach the 1 million 5p mark for £50,000: https://t.co/5HLPF1s8oS #VolunteersWeek #hospicehero pic.twitter.com/kCqq3XouOA

— Hospice UK (@hospiceuk) June 4, 2018