Britania e Madhe i ofron ndihmë Iranit në lirimin e cisternës së naftës

Britania i ka ofruar Iranit ndihmë për t’i dhënë fund krizës mbi një cisternë të naftës, të kapur në Gjibraltar, duke thënë se do “ta lehtësojë lirimin” e cisternës “Grace 1”, nëse Teherani ofron garanca se anija nuk do të udhëtojë për në Siri – që do të përbënte shkelje të sanksioneve të Bashkimit Evropian.

Ministri i Jashtëm britanik, Jeremy Hunt ia bërë këtë ofertë homologu të tij iranian, Mohammad Javad Zarif, gjatë një bisede telefonike më 13 korrik.

“E risigurova atë se shqetësimi ynë është destinacioni dhe jo origjina e Grace 1 dhe Britania do ta lehtësonte lirimin e cisternës, nëse marrim garancione se (cisterna) nuk do të shkojë në Siri, pas procedurave gjyqësore në Gjibraltar”, ka shkruar Hunt në një postim në Twitter.

1/2 Just spoke to Iranian Foreign Minister Zarif. Constructive call. I reassured him our concern was destination not origin of the oil on Grace One &that UK would facilitate release if we received guarantees that it would not be going to Syria, following due process in Gib courts

— Jeremy Hunt (@Jeremy_Hunt) July 13, 2019

2/2 Was told by FM Zarif that Iran wants to resolve issue and is not seeking to escalate. Also spoke to @FabianPicardo who is doing an excellent job co-ordinating issue and shares UK perspective on the way forward.

— Jeremy Hunt (@Jeremy_Hunt) July 13, 2019

Irani ka konfirmuar bisedën ndërmjet Hunt dhe Zarif, por nuk ka treguar nëse Teherani ka garantuar se nëse lirohet cisterna, nuk do të niset drejt Sirisë.

Marina Mbretërore Britanike më 4 korrik e mori cisternën nga brigjet e Gjibraltarit – një territor britanik – dhe e konfiskoi nën dyshimin se po shkelte sanksionet për naftë të BE-së.

Teherani ka paralajmëruar për masa reciproke nëse cisterna nuk lirohet dhe kreu i Gardës Revolucionare Islamike të Iranit, kërcënoi më 5 korrik se do të kapë një anije britanike. Britania konfirmoi se një anije e saj ishte tentuar që të kapet në Ngushticën e Hormuzit, por Irani mohoj se është i përfshirë në këtë incident. /Telegrafi/