Bristol City turpëron Unitedin, e eliminon nga çerekfinalja e Carabao Cup (Video)

Manchester United është mposhtur nga Bristol City në takimin e çerekfinales së Carabao Cup me rezultat 2-1, duke u turpërkuar kështu nga një skuadër e Championshipit.

Bristol City ka bërë historinë duke rrëzuar Djajtë e Kuq nga çerekfinalja e Carabao Cup.

Pjesa e parë e takimit ishte e barabartë, me të dyja skuadrat që krijuan nga disa raste, por asnjëra nuk arriti të gjej rrugën e golit.

Skuadra e Jose Mourinhos në këtë pjesë-lojë nuk arriti të gjej fare kuadratin e portës duke mos qenë fare e rrezikshme në këta 45 minutat e parë.

Pjesa e dytë e ndeshjes nisi më mirë për vendasit që arritën të gjejnë shpejt golin e epërsinë duke i befasuar Djajtë e Kuq.

Ishte mesfushori Joe Bryan, i cili shënoi një gol të bukur në minutën e 51-të, ku pas asistimit të Marlon Pack kali Bristolin në epërsi 1-0.

Pas këtij goli, Djajtë e Kuq u hodhën në sulm dhe shpejt gjetën barazimin, ku shënues ishte Zlatan Ibrahimovic, ku në minutën e 58-të me një supergol nga goditja e dënimit barazoi shifrat në 1-1.

Me të barazuar rezultatin, Unitedi u gjuajt fortë në sulm për të gjetur golin e fitores, por u befasua nga vendasit, të cilët në minutat shtesë shënuan golin e fitores.

Ishte mesfushori Korey Smith, i cili shënoi për 2-1 dhe eliminoi Unitedin nga Carabao Cup dhe në gjysmëfinale do të takohen me Manchester Cityn. /Telegrafi/

https://www.youtube.com/watch?v=SaRLQg0jqKU

https://www.youtube.com/watch?v=Q0IZQItW5DE

http://www.dailymotion.com/video/x6bzq80