Brenda rezidencës përrallore të Robbie Williams që është në shitje për shtatë milionë funte

Robbie Williams po përpiqet të shesë mega-rezidencën e tij në fshat.

Këngëtari hodhi në treg shtëpinë e tij me shtatë dhoma gjumi në Wiltshire në shtator – por pavarësisht se është një nga pronat më të shikuara, ende nuk ka gjetur një blerës.

Një burim thotë se ish-ylli i “Take That” po inkurajohet të ulë çmimin e kërkuar prej 6.75 milionë funtesh, por ai po refuzon dhe dëshiron t’i qëndrojë pas fjalëve të tij.

“Është vërtet mahnitëse, por thjesht nuk po ofrohet. Çmimi mund të jetë shumë i lartë për klimën aktuale të blerësve, por nuk duket se ai dëshiron të zbresë nga ajo me të cilën është vlerësuar”, tha burimi.

Robbie dhe gruaja Ayda nxorën në shitje vilën luksoze me agjentin e pronave, Knight Frank, pasi e blenë në vitin 2009.

Shtëpia, e quajtur Compton Bassett House, është një pronë fshati prej 71 hektarësh me shtatë dhoma gjumi, dy apartamente për personelin dhe një vilë shtesë.

Krenohet me kopshte mahnitëse, një fushë futbolli, fushë tenisi dhe me një kopsht të rrethuar me lule. Brenda ka një zonë pushimi dhe spa e përbërë nga një palestër, një pishinë të brendshme, vaskë me ujë, dhomë me avull dhe saunë.

“Online, shtëpia po shkon aq mirë, të gjithë po klikojnë mbi të dhe duan të hedhin një sy përreth”, shtoi më tej burimi.

Vetë Robbie madje është përpjekur të bëjë një blerje, duke folur për të gjitha kujtimet e lumtura që ka bërë në shtëpinë e familjes.

“Compton Bassett House ka qenë ikja perfekte për familjen tonë. Pikërisht aty unë dhe Ayda u dashuruam vërtet, i vendosëm rrënjët si çift dhe ëndërruam për familjen tonë të ardhshme”, tha ai.

“Që atëherë, ne kemi mirëpritur katër fëmijë të bukur në dhomat e këndshme në Compton Bassett House, ku kemi ndarë shumë të qeshura dhe gëzim”.

“Compton Bassett House është padyshim një shtëpi familjare që meriton të ketë shumë më tepër të qeshura dhe gëzim brenda mureve të saj të bukura. Shpresojmë që blerësi që vjen do të kënaqet po aq sa ne”. /Telegrafi/