Brenda dy ditësh, dy herë u ndalua në Aeroportin e Beogradit, Trajkoviq: Nuk më besohet kjo që po ma bëjnë

Rada Trajkoviq, këshilltare e ministrit për Kthim dhe Komunitete në Qeverinë e Kosovës, Nenad Rashiq, brenda dy ditëve dy herë është ndaluar në Aeroportin e Beogradit nga policia kufitare serbe.

Trajkoviq, përmes një postimi në Twitter, ka thënë e  nuk i besohet që sot sërish është ndaluar nga policia në aeroport.

“Nuk më besohet se po e shkruaj këtë, por jam ndaluar sërish nga policia kufitare në Aeroportin e Beogradit. Ata duket se mendojnë se publiku do të lodhet me postimet e mia, dhe se bashkësia ndërkombëtare do ta pranojë keqtrajtimin tim si fakt. Ndërsa ‘ata të tyre” që janë nën sanksionet e SHBA-ve po lëvizin të lirë…”, ka shkruar Trajkoviq, transmeton Telegrafi.

Ne mogu verujem da ovo pišem ali opet sam zadržana od strane granične policije na beogradskom aerodromu

Oni izgleda računaju da će se javnost umoriti od mojih objava a da će međ. zajednica prihvatiti moje šikaniranje kao činjenicu

A ‘njihovi’ pod US sankcijama šetaju slobodni…

— Rada Trajkovic (@trajkovic_rada) March 4, 2023

Trajkoviq ishte ndaluar edhe të premten në Aeroportin e Beogradit.

Lexo po ashtu Trajkoviq ndalohet në aeroportin e Beogradit, pyet Vuçiqin dhe Brnabiqin: Pse po e bëni këtë

Ajo ka thënë se po flitet për Serbinë në Bashkimin Evropian dhe Ballkanin e Hapur, ndërsa në anën tjetër liria e lëvizjes është e kufizuar në mënyrë të paarsyeshme dhe jokushtetuese për të dhe familjen e saj.

Politikania serbe kohët e fundit disa herë është ndaluar nga autoritetet serbe në hyrje ose dalje të territorit të Serbisë. /Telegrafi/