Botohet libri i parë i Albana Osmanit – “Çika në betejë me Inteligjencën Artificiale”

Një ndër personalitetet më me ndikim në trojet shqiptare Albana Osmani boton librin e saj të parë, i cili titullohet “Çika në betejë me Inteligjencën Artificiale”.

Edhe pse një sferë tjetër e të vepruarit autorja ka dhënë më të mirën e mundshme që lexuesit të mund të krijojnë një urë lidhëse dhe afërsi me librin. Një roman fantastiko-shkencor ndjek përballjen e paepur të një grupi të rinjsh me Inteligjencën Artificiale, që mund të cilësohet, pa dyshim, si beteja më e ashpër e kohës!

Një aventurë epike nga autorja Albana Osmani, ilustruar prej saj në një formë shumë vizionare, dedikuar të rinjve dhe atyre që shohin nga e ardhmja. Po ashtu edhe libri të ofron një ndjenjë unike gjatë kohës që e lexoni atë.

Historia daton në vitin 2117, ku planeti Tokë ka pësuar ndryshime të paimagjinueshme. Një rendi i ri, i drejtuar nga qeveria ndërplanetare, është vënë prej kohësh në kërkim të elementit që do t’u sigurojë fuqinë dhe epërsinë e plotë.

Pjesëza e munguar fshihet te një vajzë, i është tejçuar asaj kohë më parë, aty në cepin idilik mes maleve.  Ata të cilët e adhurojnë fantazinë, tani mund ta kenë në duart e tyre një libër nga një autore shqiptare, ku mund të lundrojnë nëpër këtë botë dhe të ndjekin imagjinatën e tyre.

Nga dita e premte, me datën 23 tetor, librin mund ta gjeni tek Libraria Dukagjini, i cili po ashtu është edhe distributor ekskluziv për këtë libër.