Boshnjakovski: Rashkovski ka dorëzuar dëshmi për doktoraturë të kryer

Pasi që Dimitar Apasiev nga “E majta” para disa ditësh publikisht tha se sekretari i përgjithshëm i Qeverisë së Maqedonisë, Dragi Rashkovski nuk ka dy doktorate, sot në konferencë për shtyp atë e mbrojti zëdhënësi i Qeverisë, Mile Boshnjakovski.

Sipas tij, sekretari i përgjithshëm ka doktorat të mbrojtur dhe për këtë ka diplomë, duke shtuar se gjatë çdo punësimi të ri bëhet kontrollim i të dhënave të dorëzuara nga kandidatët në lidhje me kërkesat e vendit të punës, përcjell Telegrafi Maqedoni

“Në pajtim me Ligjin për nëpunësit e administratës, gjatë përzgjedhjes së emrave në punësimet administrative, bëhet kontroll i të dhënave të dorëzuara. Kontrollin e vërtetësisë së dëshmive e bën Komisioni për përzgjedhje për çka kandidatët janë të detyruar të sjellin të gjitha dokumentet e përmendura në nenin 36, paragrafet 2 dhe 3 të këtij ligji, së paku tre orë para fillimit të intervistës për punësim. Për kandidatët që nuk sjellin dokumentet në fjalë, sipas paragrafit 1, procesi i konkurrimit ka përfunduar”, tha Boshnjakovski./Telegrafi/