Borussia Dortmund ka arritur të kualifikohet në mesin e 16-të më të mirave në Ligën e Kampionëve, pasi barazoi pa gola në ndeshjen kthyese ndaj Sporting Lisbonës në “Signal Iduna Park”. 

Me fitoren 3-0 në takimin e parë në Portugali javën e kaluar, verdhezinjtë e kishin thuajse të sigurt kalimin dhe në ndeshjen e kthimit u fokusuan në administrimin e lojës. 

Pavarësisht se pati disa raste shënimi, Borussia Dortmundi nuk arriti të gjejë rrjetën.  

Në minutën e 59-të, sulmuesi Serhou Guirassy humbi një penallti, ndërsa Emre Canit iu anulua një gol për pozitë jashtë loje. 

Skuadra gjermane tashmë pret kundërshtarin e saj në fazën tjetër, ku do të përballet me Lille ose Aston Villa, me shortin që do të hidhet të premten në mesditë. /Telegrafi/  

Liga e KampionëveEkipetBorussia DortmundSporte tjeraFutbollNdërkombëtareSport
telegrafi sport app