Borell: Edhe pse ngadalë, Kosova dhe Serbia po lëvizin, kjo është pozitive

Josep Borell, Përfaqësuesi i Lartë i Bashkimit Evropian për Politikën e Jashtme dhe Sigurinë, ka theksuar rëndësinë e dialogut në mes të Kosovës dhe Serbisë në një deklaratë para fillimit të Samitit të BE me vendet e Ballkanit Perëndimor.

Duke vlerësuar të kaluarën e procesit si të mbushur me sfida por dhe me momente inkurajuese, Borell pranoi se përkundër vështirësive të mëparshme, ka tërhequr vëmendje tek marrëveshja e re në sektorin e energjisë dhe avancimin e arritur në lidhje me Marrëveshjen e Ohrit dhe zbatimin e saj.

Kreu i diplomacisë evropiane shprehu optimizëm lidhur me zhvillimet e fundit, duke nënvizuar se palët, pavarësisht nga progresi i ngadaltë, janë duke bërë hapa drejt zgjidhjes.

Borell shtoi se është detyrë e BE-së të ndihmojë dhe inkurajojë palët që të vazhdojnë në këtë drejtim.

“Dialogu ndërmjet Kosovës dhe Serbisë është jetike. Jemi të përkushtuar dhe kemi investuar një kohë të konsiderueshme dhe energji në këtë proces. Pavarësisht sfidave dhe krizave të shumta, kemi arritur edhe zgjidhje konkrete siç janë ato për energjinë, dokumentet e identitetit, dhe targa të automjeteve. Marrëveshja e energjisë ishte një hap pozitiv i fundit, dhe ka progres të dukshëm në lidhje me Marrëveshjen e Ohrit dhe Aneksin e saj të Zbatimit”.

“Lajmet e fundit janë inkurajuese, me të dyja palët që bëjnë lëvizje, edhe pse gradualisht. Ne si BE duhet t’i nxisim të ecin në këtë rrugë, pasi kjo është rruga e vetme për një perspektivë të qartë evropiane për ta,” deklaroi Borell./Telegrafi/