Bonucci: Juventusi dëshiron ‘tripletën’

Leonardo Bonucci ka theksuar se skuadra e tij, Juventusi, dëshiron që të përfundoj sezonin duke fituar tre titujt që është në garë, kampionatin italian, Kupën e Italisë dhe Ligën e Kampionëve.

Juventusi eliminoi Barcelonën në çerekfinale të Ligës së Kampionëve duke u kualifikuar për në gjysmëfinale ku shihet favoriti kryesorë së bashku me Real Madrid.

Megjithatë, përveç shanseve për të fituar Ligën e Kampionëve, “Zonja e Vjetër” është afër të shpallet kampion i Serie A për herë të gjashtë radhazi, teksa gjendet edhe në finale të Kupës së Italisë, ku do të ndeshjet me Lazion.

Lexo po ashtu Bonucci e mori fanellën e Messit, por u desh ta fitojë garën me Chiellinin (Video)

Mbrojtësi italian, Bonucci, ka theksuar se skuadra e tij dëshiron të përfundoj sezonin me plot sukses duke fituar tre titujt apo ndryshe ‘tripletën’.

“Ne kemi shans shumë të mirë për të arritur në finalen e Cardiffit dhe ngritjen e këtij trofeu në qiell”, ka thënë fillimisht Bonucci për Sky Sport Italia.

“Tani është e gjitha për mentalitetin, pasi ne duhet të mbajmë këmbët tona në tokë pa e lënë veten të përfshihemi nga entuziazmi i tepruar”, përcjell Telegrafi.

Lexo po ashtu Bonucci: Të gjithë duhet t’ia kenë frikën Juves

“Jemi në rrugë në të tre frontet dhe ata janë të arritshëm, kështu që tani e gjithë kjo është në mendje. Ne duhet të mbajmë përqendrimin tonë për një muaj e gjysmë për të shkuar gjatë gjithë rrugës”.

“Gjatë viteve kjo skuadër ka dëshmuar se është kompakte dhe e di se çfarë duhet për të arritur fitoren”, përfundoi mbrojtësi italian. /Telegrafi/