Bolivia drejt zgjedhjeve të reja, pas disa javë protestash dhe rezultatit nga monitoruesit ndërkombëtarë

Presidenti i Bolivisë, Evo Morales ka thënë se do të kërkojë zgjedhje të reja, pasi rezultati i monitoruesve ndërkombëtarë, vuri në pikëpyetje besueshmërinë e procesit që e nxori atë fitues gjatë muajit të kaluar.

Sipas rezultatit të Organizatës së Shteteve të Bashkuara, procesi zgjedhur nuk ishte në rregull dhe duhet të anulohet, transmeton Telegrafi.

Njoftimi që bëri Morales, vjen pas disa javë protestash të dhunshme, kundër njohjes së zgjedhjeve që e nxjerrin atë si fitues.

Deri më tani, presidenti që për herë të parë u ngrit në detyrë më 2006, kundërshtoi çdo parregullsi dhe ishte i vendosur se do mbetej në pozitë.

Por, në një deklaratë që bëri sot, tha se do të kërkojë që të zhvillohen zgjedhje të reja, si dhe të ndryshohet bordi o organizatës së i zhvillon zgjedhjet. Zgjedhja e këtij bordi, do bëhet me votë nga deputetët parlamentarë.

Morales, që është presidenti i parë indigjen i Bolivisë, ka thënë se këtë vendim e ka marrë që të ulë tensionet, si obligim i tij që të sigurojë paqen. /Telegrafi/