Bogdanov: Kryesia e OBRM-PDUKM-së është larg nga ideali i ndërtimit të partisë moderne, demokratike dhe evropiane

Kostadin Bogdanov, i cili në mbledhjen e djeshme të Komitetit Qendror të OBRM-PDUKM-së u shkarkua nga funksionet partiake, nëpërmjet rrjetit social “Facebook”, dha mesazh se shpreson se një ditë në OBRM-PDUKM do të vijë kryesie e cila do ta kuptojë mesazhin nga paraardhësit.

“Veprimi im politik në kryesinë e OBRM-PDUKM-së ishte me një qëllim: të ndërtojmë parti moderne, demokratike dhe evropiane e cila fuqishëm dhe me hapa konkret do të vazhdojë agjendën euroatlantike për shtetin tonë. Për fat të keq, kryesia e OBRM-PDUKM-së është larg, shumë larg nga ky ideal”, shkroi Bogdanov.

Sipas tij, kryesia e kësaj partie vazhdoi të jetë promotor i retorikës anti-perëndimore nacionaliste, e cila ngroh zemrat në afat të shkurt, por në afat të mesëm dhe të gjatë krijon pasoja ndaj shoqërisë, qytetarëve dhe të ardhmes së shtetit, përcjell Telegrafi Maqedoni.

Lexo po ashtu Jançev dhe Bogdanov shkarkohen nga funksionet e OBRM-PDUKM-së

“Sinqerisht besoj se një ditë në OBRM-PDUKM do të vijë kryesi e cila do ta kuptojë mesazhin e paraardhësve, dhe thelbin e luftës së tyre revolucionare të cilën e festojmë sot”, shkroi Bogdanov./Telegrafi/