I bllokuan lëvizjen, pastaj filluan të shtënat – momenti i sulmit ndaj një autokolone të burgut në Francë ku u vranë dy zyrtarë dhe u arratis një i burgosur

Presidenti francez Emmanuel Macron u zotua se do të bëhej gjithçka për të gjetur ata që qëndronin pas sulmit, me të burgosurin gjithashtu ende të lirë, si dhe ata që e ndihmuan të arratisej.

Dy oficerë burgu u vranë në sulm dhe tre të tjerë u plagosën, tha prokurorja e Parisit, Laure Beccuau.

Një tjetër po luftonte për jetën në spital dhe dy të tjerë po merrnin kujdes kritik, ka bërë të ditur ajo.

Këto janë lajmet më të fundit rreth incidentit që ndodhi të martën në një rrugë në Incarville në rajonin Eure të Francës veriore.

Lexo po ashtu Dy zyrtarë të vrarë, i burgosuri 'në arrati' – detaje dhe pamje të sulmit ndaj një autokolone të burgut në Francë

Bëhet fjalë për një ngjarje pasi i burgosuri po transportohej pasi u mor në pyetje nga një gjykatës në qendrën rajonale të Rouen në Normandi, në burgun e tij në qytetin Evreux.

1st video of the attack in which 3 French prison guards were killed today

Another 3 guards were seriously wounded after 4 men armed with Kalashnikovs rammed their van while transporting a gang leader from one prison to another

The gang leader Mohamed “The Fly” managed to escape pic.twitter.com/g1MxRMElGb

— Visegrád 24 (@visegrad24) May 14, 2024

Dhe prokurori tha se furgoni i burgut u përplas nga një automjet i vjedhur teksa kalonte nëpër vendkalimin me pagesë.

Por automjeti i burgut u pasua edhe nga një veturë tjetër nga e cila dolën persona të armatosur të cilët qëlluan në të dy automjetet në autokolonën e burgut.

“Po bëhet gjithçka për të gjetur autorët e këtij krimi”, shkroi Macron në X. “Ne do të jemi të pakompromis”, shtoi ai, duke e përshkruar sulmin si një “tronditje”.

Ndërkohë në mediat sociale kanë qarkulluar pamje që thuhet se tregojnë se si automjeti përplaset kokë më kokë me furgonin e burgut dhe të shtënat që ndodhën më pas. /Telegrafi/