Bllokimi i enëve të gjakut është i rrezikshëm, duhet reaguar urgjentisht

Nuk keni dhimbje në sy, por mund të mbeteni të verbër

Bllokimi i enëve të gjakut që furnizojnë nervin optik mund të çojë në verbëri dhe njerëzit me presion të lartë të gjakut, diabet ose kolesterol të lartë janë në rrezik.

Infarkti i syrit ndodh kur enët e gjakut që furnizojnë nervin optik janë të bllokuara dhe njerëzit që kanë presion të lartë të gjakut, diabet ose kolesterol të lartë janë në rrezik.

Para goditjes, pacientët ankohen edhe për dhimbje në tëmth, humbje peshe dhe oreksi, dhimbje gjatë përtypjes dhe ndjeshmëri të pjesës leshtore të kokës.

Ndodh që personi të ketë vetëm një errësim pa dhimbje të syrit, por edhe atëherë është e rëndësishme që menjëherë të kërkojë ndihmë mjekësore, transmeton Telegrafi.

Ndryshimet në shikim mund të jenë të vogla në fillim, por përkeqësohen me kalimin e kohës. Përveç marrjes së anamnezës, mjeku do të kryejë edhe ekzaminimin e syve – oftalmoskopi, angiografi me fluoresceinë dhe mundësisht tomografi koherence optike.

Nëse vendoset diagnoza e infarktit të syrit, si pjesë e terapisë mund të përdoret laseri, ilaçe që ulin presionin në sy ose shpërbëjnë mpiksjen e gjakut, si dhe masazh me syrin e mbyllur. Duhet ditur se ndryshimet në stilin e jetës janë gjithashtu të nevojshme për të ulur presionin e gjakut dhe kolesterolin, si dhe për të mbajtur nën kontroll të vazhdueshëm diabetin.

Përndryshe, një përqindje e lartë e atyre që përjetojnë një infarkt të syrit, brenda tre viteve, me siguri do të pësojnë goditje edhe në syrin tjetër. Mund të jetë gjithashtu një shenjë e një goditjeje në tru, ndaj është edhe më e rëndësishme të vendosni shëndetin tuaj nën kontroll të rreptë. /Telegrafi/