Blinken: Rusia mund ta sulmojë në çdo moment Ukrainën

Sekretari amerikan i Shtetit, Anthony Blinken deklaroi se Rusia mund ta sulmojë në çdo moment Ukrainën, madje edhe gjatë Lojërave Olimpike Dimërore në Pekin, të cilat zgjasin deri më 20 shkurt.

Blinken tha në Melburn se Departamenti i Shtetit u bëri thirrje qytetarëve amerikanë që të largohen menjëherë nga Ukraina.

Lexo po ashtu Amerika iu përgjigj Rusisë: Çfarë është e vërtetë dhe çfarë është gënjeshtër në marrëdhëniet mes NATO-s dhe Moskës

Departamenti i Shtetit tha se amerikanët duhet të largohen nga Ukraina për shkak të kërcënimit në rritje të veprimit ushtarak rus, sipas reuters.

“Ne vazhdojmë të marrim shenja shumë shqetësuese të përshkallëzimit të situatës, duke përfshirë ardhjen e forcave të reja në kufirin ukrainas”, tha Blinken.

Ndërkohë, presidenti amerikan, Joe Biden u bëri gjithashtu thirrje amerikanëve që të largohen menjëherë nga Ukraina dhe tha se nuk do të dërgojë ushtarë për t’i shpëtuar kur ata kur të dëshirojnë të largohen, në rast të një aksioni ushtarak nga Rusia.

“Nuk është se kemi të bëjmë me një organizatë terroriste. Këtu kemi të bëjmë me një nga ushtritë më të forta në botë. Gjërat mund të dalin shumë shpejt nga kontrolli”, pohoi Biden për NBC News.

I pyetur se cili skenar mund ta shtyjë atë të dërgojë trupa për t’i shpëtuar amerikanët që ikin nga Ukraina, Biden tha “Është gjatë një lufte botërore kur amerikanët dhe rusët fillojnë të qëllojnë kundër njëri-tjetrit”.

Lexo po ashtu Biden për situatën në Ukrainë: Gjërat mund të dalin jashtë kontrollit, amerikanët tani duhet të largohen nga Ukraina

Forcat amerikane nuk janë aktualisht të autorizuara të hyjnë në Ukrainë nëse shpërthen një luftë dhe nuk ka plane që ato të kryejnë një operacion evakuimi joluftarak të ngjashëm me operacionin e SHBA-së në Afganistan.

/Telegrafi/