BLAST ka konfirmuar Majorin e parë të CS:GO për vitin 2023 i cili do të mbahet në Paris

BLAST ka njoftuar se do të organizojë CS:GO Majorin e parë të vitit 2023 në qytetin Paris të Francës, me datat 8-21 maj.

Turnetë kualifikues për renditjen e madhe rajonale përpara Majorit do të zhvillohen në shkurt dhe mars, ndërsa RMR (Regional Major Ranking) do të zhvillohet nga data 3 deri më 9 prill.

Ngjarja në Paris do të jetë Majori i parë që do të mbahet në Francë, dhe i pari i organizuar nga kompania BLAST, pas kërkesave të shumta nga komuniteti.

The time has come. In 2023… it all changes.https://t.co/mSIunFRzfU pic.twitter.com/p17jn7KI2L

— BLAST Premier 💥 (@BLASTPremier) September 11, 2022

Ky lajm vjen pas komenteve të presidentit francez Emmanuel Macron nga fushata e tij parazgjedhore në prill, ku premtoi për të mbështetur skenën e eSports në vend, dhe dëshirën e tij që Franca të presë një Major të CS:GO dhe ngjarje të tjera të eSports në të ardhmen.

Macron publikoi një video në Twitter të dielën, duke zbuluar se Parisi do të presë CS:GO Major të BLAST në maj në Accor Arena, përpara njoftimit të lëshuar nga vetë BLAST. /Telegrafi/

#ZEVENT22, bonsoir ! pic.twitter.com/NAPJ1wxm6y

— Emmanuel Macron (@EmmanuelMacron) September 11, 2022