“Black Panther” kalon pritshmëritë në kinematë botërore

Filmi “Black Panther” ka arritur një sukses të jashtëzakonshëm pasi që e kanë shikuar më tepër se që është pritur në kinematë botërore.

“Box Office” në Shtetet e Bashkuara të Amerikës dhe Kanadasë raportohet se kanë realizuar të hyra prej 242 milionë dollarësh, ku paraprakisht ishte planifikuar një fitim prej 120 milionë sosh.

Ky film tashme është i dyti në listën e filmave që kanë fituar më së shumti për katër ditë, përpara të cilit qëndron “Star Wars: The Force Awakens” që realizoi të hyra 288 milionë dollarë.

“Black Panther” bazohet në librat komik të Marvel. T’Challa, pas vdekjes të së atit, Mbretit të Wakanda, rikthehet në shtëpi në kombin Afrikan të izoluar dhe të avancuar nga ana teknologjike, për të triumfuar në fron dhe për të marrë me të drejtë vendin e tij si mbret.

Lexo po ashtu “Black Panther” tregon se keqbërësit janë ata që mund të ishin heronj

Theksojmë se filmi është shfaqur edhe në kinematë e madhe kosovare në Prishtinë – Cineplexx.

Ndryshe, kjo e fundit gjatë këtij viti do të sjell edhe një numër të madh të premierave botërore të filmave. /Telegrafi/