Bjorn Kuipers, do ta drejtojë ndeshjen finale Itali-Angli në Euro 2020

UEFA ka bërë të ditur gjyqtarët që do të vendosin drejtësi në finalen Itali – Angli në Euro 2020.

Gjyqtari kryesor i kësaj ndeshje të madhe  do të jetë holandezi Bjorn Kuipers.

Për 48 vjeçarin do të jetë ndeshja e katërt që do të gjykojë në këtë Kampionat Evropian, pas dy sfidave të gjykuara në fazën e grupeve Danimarkë-Belgjikë dhe Sllovaki-Spanjë dhe çerekfinales ndërmjet Çekisë dhe Danimarkës.

Holandezi është prej vitit 2006 në listën e FIFA-s dhe prej vitit 2009 në listën e UEFA-s si gjyqtar kryesor.

🇳🇱 Björn Kuipers will referee the #EURO2020 final!

— UEFA (@UEFA) July 8, 2021

Ndihmës të Kuipers do të jenë dyshja tjetër holandeze Sander van Roekel dhe Erwin Zeinstra, ndërsa gjyqtar i katërt do të jetë spanjolli  Carlos Del Cerro Grande

Në VAR do të jetë gjermani Bastian Dankert, që do t’i ketë edhe tre asistentë të tjerë si Pol van Boekel, Christian Gittelmann dhe Marco Fritz.

😎 The EURO 2020 final is set!

🇮🇹🆚🏴󠁧󠁢󠁥󠁮󠁧󠁿 Italy versus England at Wembley Stadium on Sunday 🔥

Who is lifting the 🏆❓#EURO2020 pic.twitter.com/tYSEzNjAkI

— UEFA EURO 2024 (@EURO2024) July 7, 2021

Finalja do të luhet në datën 11 korrik në stadiumin Wembley të Londrës. /Telegrafi/