Bingo: Bie si çdo natë në gjumë, e zgjohet me 540 milionë dollarë! (Video)

Në Indiana të Shteteve të Bashkuara të Amerikës, dikush u zgjua mëngjesin e së shtunës me 540 milionë dollarë. Fati i trokiti në derë lojtarit të xhekpotit të shtatë më të madh në histori, i njohur si Mega Millions.

Shuma i shkoi e plotë banuesit në Indiana dhe nuk ndodhi si zakonisht që ajo të shkonte e ndarë në pjesë. Ishin numrat 8, 19, 20, 55, 73 dhe së fundmi ai më me fat, 5, që i ndryshuan jetën lojtarit.

Vlera e Mega Millions të premten ishte 415 milionë dollarë, por pasi nuk doli asnjë biletë fituese, çmimi u rrit në 449 milionë. Edhe më tej shorti vijoi të ishte pa fitues dhe për rrjedhojë vlera e llotarisë u rrit deri në 540 milionë dollarë.

Paula Otto, drejtoresha ekzekutive e Lotarisë në Virxhinia, tha se shitjet i tejkaluan pritjet me një miliard dollarë nga muaji mars, kur u shpall fituesi i fundit.

Biletat janë shitur në 43 shtete, nga rajoni i Kolumbisë deri në ishujt Virxhina. Amerika shquhet për të tilla xhekpote që të ndryshojnë jetën, ndaj shpesh vendi cilësohet si toka e oportuniteteve dhe surprizave. /Top Channel/