Billie Eilish u ngjit në skenën e Forumin Kia në Los Angeles të shtunën, përpara audiencës së saj të vendlindjes, duke performuar të parën nga pesë shfaqjet e turit të saj.
Këngëtarja, e veshur me një fanellë të New Orleans Saints dhe çorape rrjetë të zeza, po shijonte momentin e saj, ndërsa këndoi një listë prej 24 këngësh, duke përfshirë hitet e saj si "What Was I Made For" dhe "Birds of a Feather".
Vëllai i saj, Finneas, ishte gjithashtu në skenë për pjesën e fundit të shfaqjes, shkruan DailyMail.
Ky koncert vjen pas një incidenti të papritur gjatë shfaqjes së Billie në Glendale, Arizona, ku ajo u godit në fytyrë nga një byzylyk që një fans e hodhi në skenë.
Ajo mbeti e habitur për një moment, por vazhdoi të performonte pa ndërprerë, duke e hedhur përsëri bizhuterinë.
Ky incident ka ngritur shqetësime tek fansat, disa prej të cilëve kanë reaguar ashpër në rrjetet sociale, duke shprehur zemërimin ndaj sjelljes së pashembullt të hedhjes së objekteve në skenë.
Billie Eilish ka folur më parë për këtë fenomen, duke e quajtur tërbuese hedhjen e sendeve gjatë performancave.
Ajo ka paralajmëruar fansat që të mos hedhin asgjë në skenë, pasi mund të jetë e rrezikshme për artistët.
Incidenti ka shkaktuar reagime të shumta, me shumë fansa që e kritikuan veprimin dhe theksuan se duhet të shprehim dashuri dhe respekt ndaj artistëve, jo me hedhjen e objekteve. /Telegrafi/
