Billie Eilish ndan rutinën e grimit të saj karakteristik: Mund ta bëjë kushdo

Billie Eilish tregoi rutinën e saj të grimit dhe u aprovua nga të gjithë

Këto ditë këngëtarja shpërndau hapat e saj të grimit në “TikTok”, duke treguar fansave gjithçka që përdor për të arritur pamjen e saj karakteristike të bukurisë.

Për të filluar, Eilish përdori disa spërkatës që dukeshin si ujë nga një shishe dhe më pas lidhi flokët për të “punuar” sa më rehat.

Më pas, përdori ujë micellar dhe krem hidratues nga për të përgatitur lëkurën për grim.

Ndërsa produktet që përdor “bëjnë punën e tyre”, duket se sekreti qëndron tek hapat që ajo ndjek gjatë grimit.

Para se të aplikonte penelin, Eilish “thau” lotin natyral në mënyrë që produkti të mos shpërndahej.

“Bëjeni këtë që produkti të qëndrojë,” thotë grimierja Meghan Robinson në një video duet me të Eilish. “Nëse diçka është e papërshkueshme nga uji dhe syri është i lagur, detyra e lapsit është të refuzojë ujin. Prandaj, ai nuk do të qëndrojë në linjën e ujit.”

Këngëtarja pastaj vendosi penelin, pastroi disa shenja të errëta me korektor.

Pastaj vendosi pak blush, highlighter, xhel për vetulla dhe rimel. Në përfundimin, ajo konturoi buzët dhe i “fiksoi” me një produkt në trajtë pluhuri.

Një rutinë mjaft e thjesht dhe e realizueshme nga kushdo ishte gjithçka artistja bëri para se të ngjitej në skenë për të performuar.

Pas shfaqjes, Eilish regjistroi veten për të treguar se sa mirë qëndron grimi i saj pavarësisht orëve dhe djersitjes në skenë.

“95 minuta djersitje dhe duke vrapuar dhe gjithçka duket e pranueshme,” shkroi ajo.

Pavarësisht se shumica prej nesh nuk performojnë për qindra mijëra njerëz, rutina e grimit e Eilish është e lehtë për t’u përshtatur me një rutinë të përditshme.

Megjithatë, hidhini një sy videos:

♬ ilomilo – Billie Eilish