Biletë falas për ndeshjen ndaj Spanjës, udhëtime nëpër botë dhe shumë oferta reklamimi – Super tifozi i Zvicrës ‘mbulohet’ nga shpërblimet  

Luca Loutenbach, 28-vjeçar, është bërë një yll në rrjetet sociale për shkak të pasionit të tij për ekipin kombëtar të Zvicrës. Tani kompanitë zvicerane e kanë gjetur atë dhe duan ta shpërblejnë me dhurata të ndryshime dhe marrëveshje sponsorisuese.

Zvicra bëri befasinë më të madhe në Euro 2020, duke eliminuar kampionin e botës, Francën, pas penalltive, pasi ndeshja e rregullt dhe vazhdimet u mbyllen baras 3-3.

Befasia erdhi edhe për faktin se Helvetikët ishin duke humbur 3-1 në pjesën e dytë dhe dy gola erdhën shumë shpejt në fundin e ndeshjes apo më saktë në minutat 81 dhe 90.

Lexo po ashtu Zvicra shkruan historinë: Eliminon Francën pas gjuajtjeve të penalltive në Euro 2020, në çerekfinale takohet me Spanjën

Barazimi në minutën e fundit bëri që tifozët zviceran të kalojnë në dëlir, por padyshim ai që pushtoi gjithë mediat botërore ishte 28-vjeçari Luca Loutenbach.

Les marques se disputent déjà le «superfan» de la Nati, Luca Loutenbach, que l'on risque bien de retrouver en tribunes pour le match Suisse-Espagne. Décryptage par Adrien Schnarrenberger (@Bergi02). https://t.co/Ii6fXRvGHO

— Blick | fr (@Blick_fr) June 29, 2021

«On n'est pas préparé à recevoir tant de reconnaissance». Les réactions de Luca Loutenbach lors du match #FRASUI sont devenues virales sur le net. De retour sur les terres helvétiques, il se confie à Blick sur sa notoriété soudaine. #EURO2020 pic.twitter.com/xzhx1kpWum

— Blick | fr (@Blick_fr) June 29, 2021

Kamerat televizive po e filmonin dhe Luca u bë një yll i mediave sociale brenda natës. Imazhet e reagimeve të tij emocionuese rrokullisen nëpër botë. Dhe ato tashmë janë duke u përdorur si reklamë për kompanitë, siç janë Deutsche Bahn, DB Cargo.

Përveç kësaj, tifozit i është premtuar një fluturim falas në çerekfinale në Shën Petersburg në ndeshjen ndaj Spanjës, ku bileta e aeroplanit do t’i paguhet nga Swiss Air.

Dear @lucalo92 contact us via direct message and we will make your dream come true 😉

— Swiss Intl Air Lines (@FlySWISS) June 29, 2021

Red Bull do t’i dërgojë pije energjike për udhëtimin. Organizata zvicerane e Turizmit i ofron super-tifozit një fundjavë Wellness për t’u çlodhur pas përfundimit të Kampionatit Evropian.

Kjo nuk është e tëra pasi, Zyra Federale e Shëndetit Publik të Konfederatës Zvicerane (BAG) i ka kërkuar tifozit t’u ndihmoj në fushatën për vaksinimin e të rinjve, ndërsa edhe kompania përpunuese e qumështit (Emmi) e ka ftuar atë për reklama. /Telegrafi/

We would love to give you some wiiings for your flight to St Petersburg 😎 send us a DM!

— Red Bull Switzerland (@RedBullCH) June 29, 2021