Bie interesimi për të blerë ari në Kosovë, shkas çmimet e larta

Janë bërë disa muaj që kosovarët po ballafaqohen me krizë të rritjes së çmimeve, e kjo ka prekur thuajse secilin sektor.

Edhe bizneset e ndryshme janë duke u ankuar për këtë situatë.

Por nga kjo krizë janë duke u ndikuar dhe bizneset të cilat si fushë të veprimtarisë se tyre e kanë arin. Kjo ka ndikuar që interesimi i qytetarëve të bie e të mos bëjnë blerë  të arit.

Shoqata e Artarëve të Kosovës, ka treguar se çmimet përcaktohen sipas bursës ndërkombëtare.

Kryetari i saj,  ka treguar  se interesimi për të blerë ari ka rënë dukshëm.

“Deri para një jave ka qenë 18% ngritje këtë javë ka rënie të çmimit. Qe pesë vite kemi  të drejtë importi dhe importojmë ari. Na kemi përpunues shumë të arit”, ka thënë për RTV Dukagjinin, Enver Pakashtica – Kryetar i Shoqatës së Artarive.

E pikërisht përpunimi duket se kishte ndikuar që vetëm në gjashtë mujorin e parë të këtij viti, Inspektorati i Ministrisë së Tregtisë të konfiskojë 450 kg ari pasi të njëjtit nuk kanë qenë të shënjuar sipas ligjit.

“Inspektorati i tregut ka inspektuar operatoret ekonomik/Argjendaritë. Inspektime janë realizuar në shumicën e Komunave të Kosovës. Me këtë rast 160 kg punime nga metalet e çmuara janë pllombuar nga Inspektorati i Tregut për shkak se të njëjta nuk kanë qenë të verifikuar dhe të shënjuar sipas ligjit për punimet nga metalet e çmuara. Si rezultat i inspektimeve edhe 290 kg punime nga metalet e çmuara janë dorëzuar në laboratorin e metaleve të çmuara për verifikim dhe vulosje”, ka njoftuar Lebibe Haliti – Ministria e Tregtisë.

Ndonëse nuk e  ka pohuar se ka dëgjuar raste të ngjashme, Kryetari i artarëve thotë se tregu i zi dëmton vetë bizneset.

“Ka qe e keqpërdorin dikush në shtëpi dhe e shet ma lirë. Është shumë lehtë me verifiku, lënda e parë ka lëvizje nga pandemia e deri tash”, ka theksuar Enver Pakashtica – Kryetar i Shoqatës së Artarive.

Çmimet për një byzylyk ose një varëse të thjeshtë ari sillen nga 50 e deri në 300 euro.