Bezos i përgjigjet kritikave për investimin në hapësirë, në vend që të zgjidhen problemet në Tokë: Ne shkojmë në hapësirë jo për të braktisur shtëpinë tonë, por për ta mbrojtur atë

Jeff Bezos thotë se investimi në hapësirë do të jetë në dobi të planetit Tokë dhe do të ndihmojë për të ruajtur planetin Tokë.

Ish-CEO i Amazon foli në Vatikan të premten e kaluar për të marrë çmimin Galileo Profetë e Filantropisë. Në fjalimin e tij të pranimit, ai foli për sfidat me të cilat përballet Toka dhe idetë e tij mbi punën e nevojshme afatshkurtër dhe afatgjatë.

“Disa njerëz më pyesin pse”, tha Bezos. “Pse duhet investuar kaq shumë në hapësirë kur ka kaq shumë probleme për t’u zgjidhur në Tokë?”.

Përgjigjja e Bezos ishte se investimi në hapësirë do të çonte në ruajtjen e Tokës.

“Ne shkojmë në hapësirë jo për të braktisur shtëpinë tonë, por për ta mbrojtur atë”, tha ai.

Bezos deklaroi se energjia nga dielli mund të mblidhet “në sasi pothuajse të pakufizuara” dhe mund të përdoret me burime të tjera në hapësirë “pa dëmtuar Tokën”.

“Toka është një kopsht që duhet t’i kushtohet kujdes”, tha ai.

Bezos themeloi kompaninë e hapësirës ajrore Blue Origin në vitin 2000. Ai tha në fjalimin e tij të premten se ishte “i vendosur që herët të ndërtonte një rrugë drejt hapësirës”, duke vënë në dukje se si fëmijë ai shikonte Star Trek, bënte modele dhe e ktheu “garazhin e tij në një laborator për të gjitha llojet e kontraksionëve”. Motoja e Blue Origin është “Për të mirën e tokës”.

Qëllimi i Blue Origin, Bezos ka thënë më parë, është që udhëtimet në hapësirë të jenë më të lira, më të shpeshta dhe më të aksesueshme. Blue Origin ndërton, teston dhe lëshon raketa që janë të ripërdorshme.

“Qëllimi afatgjatë i Blue Origin është të zhvendosë të gjitha industritë ndotëse nga Toka”, tha Bezos në Vatikan. “Ajo rrugë është e gjatë dhe ne nuk do ta shohim fundin e saj gjatë jetës sime.”

Nga ana e tij, Bezos tha se “do të donte të bënte gjithçka që mundem për të ndërtuar një rrugë drejt hapësirës”. /Telegrafi/