BERZH-i bono në dinarë, hera e parë në histori

Banka Europiane për Rindërtim dhe Zhvillim ka emetuar bonot e para në dinarë serbë, çka reflekton besimin e institucionit ndaj stabilitetit ekonomik dhe financiar të vendit, në një kohë që Serbia po kërkon ndihmë për të ulur rreziqet që vijnë nga valutat.

Bono 3-vjeçare, me vlerë 22 milionë dollarë do të tregtohet në bursën e Beogradit. Kjo është hera e parë që një huadhënës ndërkombëtar emeton bono të nominuar në monedhën vendase.

BERZH deklaroi gjithashtu se, shpreson që, 15-20 për qind e borxhit ndaj Serbisë të jetë pikërisht në monedhën vendase.

Kjo normë është pak a shumë mesatarja e përdorur nga institucioni për vendet e tjera të botës. Bono në fjalë ka më shumë se një dekadë në proces përgatitje.

Banka ka emetuar bono në monedhën vendase në Armeni, Gjeorgji, Hungari, Kazakistan, Rumani dhe Rusi.

Deri më tani, banka i ka huazuar Serbisë rreth 4.5 miliardë euro. Serbia, nga ana tjetër, është një ndër vendet e BERZH, me normën më të lartë të borxhit në valutë të huaj, në mbi 70 për qind. Elementi kryesor teknik në mënyrë që institucioni të ketë mundësinë të japë hua në valutë vendase, është prania e një tregu aksionesh në vend. Veç kësaj, banka vlerëson edhe stabilitetin ekonomik dhe financiar të vendit. /Telegrafi/