Ish-kryeministri dhe ish-presidenti i Shqipërisë, Sali Berisha i ka dhënë mbështetje të plotë protestës së sotme të qytetarëve në Rrugën e Kombit të tuneli i Kalimashit, ndaj taksës së vendosur për automjetet që qarkullojnë nëpër këtë autostradë.
Berisha, përmes postimeve në Facebook, ka shprehur solidarizimin e tij me protestuesit dhe ka akuzuar rëndë kreyministrin shqiptar Edi Rama.
Më poshtë gjeni postimet e Sali Berishës të shoqëruara me video:“Mbështetje të plotë dhe totale për revoltën, për mosbindjen qytetare ndaj plaçkës, diskriminimit, arbitraritetti të Edvin Kristaq Ramës në Rrugën e Kombit! Ne lidhje telefonike me gazetaren Nisida Tufa ne Neës 24. sb” (sic.), ka shkruar Berisha.
“Pamje nga mosbindja civile kunder ‘plaçkes Rama’ ne Rrugen e Kombit. Ju bej thirrje qytetareve te mbeshtesin revolten popullore kunder taksave absurde. Edivn, ky eshte vetem fillimi! Sb”,(sic.), ka shkruar Berisha.
“Populli i thote JO ‘plaçkes Rama’! Protesta te fuqishme kunder ‘plaçkes Rama’ ne Rrugen e Kombit, dhune e turpshme policore ndaj protesuesve, shume qytetare te plagosur. Sb” (sic,), ka shkruar Berisha.
/Telegrafi/
