Bëri komente të papërshtatshme në ndeshjen Kosovë U21-Shqipëri, RTK-ja paralajmëron masa ndaj Andin Lokajt

Drejtori i Radio Televizionit të Kosovës (RTK), Ngadhnjim Kastrati ka thënë se do të merren masa ndaj komentatorit Andin Lokaj, i cili mbrëmë (e martë) pas ndeshjes Kosovë-Shqipëri kishte bërë një status kundër kësaj të fundit.

Komentatori i njohur Andin Lokaj ka bërë disa komente të papërshtatshme ndaj shqiptarëve të Shqipërisë në ndeshjen ndaj Kosovës U21, e cila përfundoi me fitoren e Dardanëve 2-1.

“Parameno mos me pas fitu sonte kundër ktynve që kur kemi lujt na kosovart TOP, ata në stadion veq ushtar të tupit trunin të Enverit i kan pas në tribina. Harrova qi edhe peshqit me TURBI i patën kqyr”, ka deklaruar Lokaj duke bërë që të këtë reagime të shumta kundrejt tij.

Megjithatë, komentatori i njohur pritet të dënohet nga televizioni publik i Kosovës.

Përmes një postimi në Facebook, drejtori i RTK-së, Kastrati ka thënë se lidhur me rastin e deklarimeve publike te komentatorit Andin Lokaj, RTK do të veprojë në përputhje me standardet profesionale të RTK-së dhe Rregullores për Përgjegjësitë materiale dhe disiplinore.

Postimi pa ndërhyrje i Ngadhnjim Kastratit

“Lidhur me rastin e deklarimeve publike te komentatorit Andin Lokaj, RTK njofton se do te veproj ne perputhje me Standardet Profesionale te RTK-se dhe  Rregullores per Pergjegjesite materiale dhe disiplinore.

Po ashtu ju beje me dije se tani me kane filluar procedurat ne lidhje me kete rast!

/Telegrafi/