Bellingham do të kalojë te Real Madridi për një shumë më të ulët se sa është raportuar

Mediat e huaja shkruajnë se është vetëm çështje ditësh që transferimi i Jude Bellingham nga Borussia Dortmund te Real Madridi të bëhet zyrtar.

Lojtari që po shihet si zëvendës i Luka Modricit në klubin spanjoll tashmë ka rënë dakord për kushtet personale për transferimin e të tij në Real Madrid dhe tashmë është në pritje të marrëveshjes mes klubeve.

Shuma e transferimit mund të jetë më e ulët se sa ishte paralajmëruar.

Është shkruar se Bellingham do të shkojë në Real Madrid për 150 milionë euro, por çmimi në fakt mund të jetë dukshëm më i ulët.

Christian Falk, redaktor i rubrikës së futbollit në Bild, ka thënë se marrëveshja do të realizohet për 120 milionë euro.

Lexo po ashtu Kështu do të duket Real Madridi pa treshen Benzema, Modric dhe Kroos: Ancelotti do të bëjë tri transferime spektakolare

Bellingham u kërkua nga shumë gjigantë evropianë dhe ra shumë në sy interesimi i Liverpoolit dhe Manchester Cityt.

Sipas mediave spanjolle, Bellingham kishte oferta më të mira financiare, por dëshira e tij ishte të vinte në Real Madridi, pasi ata i premtuan rolin e liderit të mesfushës dhe anglezi do të ulë në bankë Luka Modricin. /Telegrafi/