Bekteshi prezanton Platformën e Investimeve në COP28 për Tranzicionin e Energjisë në Maqedoninë e Veriut
Ministri i Ekonomisë Kreshnik Bekteshi ka prezantuar sot Platformën e Investimeve në Samitin COP28 në Dubai, duke theksuar nevojën për një tranzicion të drejtë energjetik në Maqedoninë e Veriut. Ky hap vjen si pjesë e përpjekjeve për të arritur objektivat e reduktimit të emetimeve të gazrave me 82% deri në vitin 2030, në përputhje me Marrëveshjen e Parisit.
Platforma e Investimeve synon të sjellë investime dhe politika të përbashkëta nga qeveria, financat ndërkombëtare dhe sektori privat në mbështetje të tranzicionit energjetik në vend. Ministri Bekteshi falënderoi Bankën Evropiane për Rindërtim dhe Zhvillim dhe partnerët e tjerë për mbështetjen në zhvillimin e kësaj platforme.
“Maqedonia e Veriut ka vendosur një objektiv të qartë për reduktimin e emetimeve deri në vitin 2030, duke treguar përkushtimin tonë ndaj parimeve të Marrëveshjes së Parisit. Sektori energjetik është në qendër të këtij tranzicioni, dhe kemi ndërmarrë hapa konkrete për të arritur qëllimet tona,” tha ministri Bekteshi në fjalën e tij.
Bazuar në dokumentet kryesore strategjike, Maqedonia e Veriut synon të arrijë një pjesë prej 38% nga burimet e rinovueshme në konsumin bruto të energjisë elektrike deri në vitin 2040. Ministri theksoi se për suksesin e këtij procesi është e nevojshme një investim i konsiderueshëm dhe planifikim i përpiktë.
Në këtë drejtim, ministri njoftoi se Qeveria po përgatitet për një plan investimi në bashkëpunim me institucionet ndërkombëtare, duke përfshirë Bankën Evropiane për Rindërtim dhe Zhvillim, Bankën Botërore dhe IFC. Ky plan do të jetë bazë për ngritjen e Platformës së Investimeve në periudhën 2024-2030, me synimin e mobilizimit të financave të nevojshme për tranzicionin e drejtë energjetik të vendit.
Ministri përfundoi duke theksuar se Platforma e Investimeve është në përputhje me dokumentet strategjike të Qeverisë dhe ka potencialin për të siguruar financimin e nevojshëm nga sektori privat dhe donatorët e tjerë në mbështetje të tranzicionit energjetik dhe dekarbonizimit. /Telegrafi/
Lufta Prigozhin - Putin
Më shumëFSK së shpejti me aeroport ushtarak në afërsi të kufirit me Serbinë
"Unë e konsideroj Kosovën si fqinje", Suljagiq: Serbia ka arritur ta largojë Bosnje dhe Hercegovinën nga Kosova
Audio-incizimi dëshmon se avokatja ia kërkoi palës 25 mijë euro për ta pranuar vendimin e Apelit
Fyerjet e sharjet në Kuvend, deputetëve do t’u kushtojnë me pagë
I ati i vdiq në Mekë, djali tregon pse nuk e kthyen trupin në Shqipëri
Qytetarët e Kosovës të papunë, bizneset me punëtorë nga shtetet e jashtme
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Mësoni pse Holandës iu anulua goli i Xavi Simons kundër Francës
"Ndaj tij do të zbatohen sanksione disiplinore dhe financiare" - klubi i Rubin Kazanit me reagim për situatën e Mirlind Dakut
Miliona njerëz mbetën pa energji elektrike në pak sekonda, këto janë tri teoritë që shkaktuan terrin në Ballkan
Nga dyshimet për Policinë e Kosovës tek ndikimi te dëshmitarët, si e ndryshoi Specialja arsyetimin për t’i mbajtur në Hagë ish-krerët e UÇK-së
PDK kërkoi shkarkimin e ambasadorit Berishaj, deputeti Berisha e vizitoi në Zagreb: Biseduam për të mirën e kombit dhe shtetit
Një mik që nuk e kishte parë prej 20 vitesh i hipi në taksi - miliona njerëz emocionoi skena nga Dallasi