Behrami nuk e komenton dënimin e bashkëlojtarëve: Jemi për futboll, nuk dua të flas për këtë gjë

Valon Behrami, shqiptari që luan për kombëtaren e Zvicrës, nuk ka folur për dënimin e dhënë për bashkëlojtarët.

Granit Xhaka, Xherdan Shaqirin dhe Stephan Lichtsteiner, janë dënuar nga FIFA me para. Që të tre u dënuan nga FIFA me arsyetimin se përdorën simbole ofenduese ndaj tifozëve të Serbisë.

Simboli që përdorën ishte shqiponja dy krenare e formësuar me duar.

Behrami nuk ka dashur të përgjigjet rreth kësaj para gazetarëve ndërkombëtarë, por deklaroi që pas ndeshjes është dashur të flitet për futboll.

“Sigurisht se është një situatë që askush prej neve nuk e donte, fatmirësisht i pashë tek pas asaj raport në media sepse askush nuk po fliste më për futbollin por vetëm për atë [mënyrën e festimit]. Unë e di që është interesante për njerëzit që të lexojnë gjëra të tilla por kjo nuk do të duhej të ishte diçka që të na marrë kohën neve”.

“Ne nuk mund të japim saktësisht një përgjigje, ose të them më mirë një përgjigje të shkurtë. E vetmja gjë që mund t them është se nuk duam realisht të flasim për atë, ne jemi këtu të flasim për futboll, për këtë kemi ardhur këtu”.

Lexo po ashtu Mblidhen paratë për të paguar gjobën e Shaqirit, Xhakës dhe Lichsteinerit

“Dhe kjo është mënyra më e mirë për të ecur tutje në këtë Kampionat Botëror”, ka thënë Behrami.

Ndërkaq trajneri i kombëtares së Zvicrës, Vladimir Petkovic, ka mbështetur deklaratën e Xherdan Shaqirit, që gjesti ishte emocion.

“Futbolli është një lojë emocionesh dhe i tillë duhet të jetë.Ajo çka ka ndodhur, ka ndodhur dhe tani ne duhet të jemi të kujdesshëm si dhe të mësojmë nga ajo”, ka thënë ai.

Xhaka dhe Shqiri u dënuan nga FIFA me nga 10 mijë franga ndërsa Lichtsteiner me 5 mijë franga. /Telegrafi/