Bayerni po planifikon të bëjë ofertë zyrtare për Jonathan Tah

Të detyruar të përmirësojnë lojën e tyre në mbrojtje për të luftuar për tituj, Bayern Munich i ka vënë sytë te lideri i Bundesligës, Bayer Leverkusen. 

Gjigantët bavarez e ka në objektiv transferimin e qendërmbrojtësit Jonathan Tah i cili po shkëlqen te lideri aktual i Bundesligës.

27-vjeçari ka edhe një vit e gjysmë kontratë dhe çmimi i tij nuk shkon më shumë se 25 milionë euro.

Edhe vet trajneri i bavarezëve Thomas Tuchel konfirmoi se duan të nënshkruajnë me futbollistë të ri në afatin kalimtar të janarit.

Lexo po ashtu I është ulur çmimi, gjigantët e Ligës Premier në aksion për Tah

“Ne jemi duke punuar për nënshkrime të reja. Shpresojmë të përmirësojmë skuadrën në dimër. Nuk do të jetë e lehtë sepse dritarja e janarit është gjithmonë më e vështirë. se ai veror, por në të njëjtën kohë do të besojmë në cilësinë që kemi”, ka deklaruar Tuchel.

Bild ka raportuar se Bayerni e ka bërë prioritet transferimin e qendërmbrojtësit dhe së shpejti do të dorëzojë një ofertë zyrtare.

Interesim për transferimim e reprezentuesit gjerman kanë shprehur edhe dy skuadrat angleze Liverpool dhe Tottenham Hotspur.

Tah këtë edicion ka qenë fantastik ku ka luajtur në 23 ndeshje, teksa ka shënuar edhe tre gola. /Telegrafi/