Jerome Boateng po i kalon muajt e fundit si futbollist i gjigantit gjerman Bayern Munich.
Kampioni në fuqi i Gjermanisë e ka nxjerrë në shitje qendërmbrojtësin gjerman.
Ardhja e Niklas Sule por edhe e Benjamin Pavard në verë ka bërë që bavarezët mos të llogarisin në shërbimet e Boatengut.
30-vjeçari është pjesë e Bayernit që nga viti 2011 kur iu bashkua nga skuadra angleze Manchester City.
Jerome Boateng. (Foto: Octavio Passos/Getty Images/Guliver)
Bavarezët janë gati ta lënë të lirë yllin e tyre për një shumë prej 30 milionë eurove.
Mediat gjermane kanë raportuar se e ardhmja e qendërmbrojtësit mund të jetë në kampionatin anglez.
Arsenal, Liverpool e Chelsea janë skuadrat që kanë shprehur interesim për shërbimet e Boatengut.
Por reprezentuesi i Gjermanisë mund të vazhdoj edhe në Bundesliga pasi skuadrat si Schalke 04, Bayer Leverkusen e RB Leipzig janë interesuar për të. /Telegrafi/
