Bayern Munich ka regjistruar një tjetër fitore me përmbysje në shtëpi, këtë herë ndaj St Paulit.
“Bavarezzët” edhe pse në disavantazh arritën ta përmbysin rezultatin në fund nga 0-1 në 3-1 për t’i arkëtuar pikët e plota.
Andreas Hountndji befasoi të gjithë në “Allianz Arena”, kur shënoi nga afërsia pasi mori një pasim të bukur (6’).
Pas kësaj, Bayern u hodh në sulm me të gjitha forcat duke rrezikuar me Lennart Karl e Tom Bischof.
Megjithatë ishte mbrojtësi Raphael Guerreiro që e finalizoi për mrekulli një aksion të shpejtë për ta barazuar rezultatin (44’).
Heroi i Bayernit ishte Luis Diaz që shënoi në minutat e fundit të takimit pas asistimit të Joshua Kimmich (90+3’).
Derisa mysafirët tentuan të sulmonin në fund, Bayern pastaj krijoi një kundëraksion ku Nicolas Jackson u përkujdes për ta vulosur fitoren (90+9').
Bayern me këtë fitore vazhdon si lider i vetëm me 34 pikë derisa St.Pauli zë pozitën e 17-të me shtatë sosh./Telegrafi/
