Bartomeu: Neymar nuk shitet

Presidenti i Barcelonës, Josep Maria Bartomeu, ka reaguar sot në lidhje me zërat e përhapur për një largim të mundshëm të sulmuesit brazilian Neymar.

President i Barcelonës, ka thënë se asnjë skuadër nuk do të mund ta blejë Neymarin.

“Nëse ndonjë klub do të vijë me synimin për të biseduar për Neymarin, do të refuzojmë të nisim bisedimet. Neymari është dhe do të mbetet i Barcelonës”.

Problemet gjyqësore në lidhje me transferimin e Neymarit nga Santosi te Barcelona vazhdojnë, por Bartomeu thotë: “Neymari nuk ka lidhje me këtë histori. Ai tha që dëshironte të luante me Barcelonën, ishte dëshira e tij dhe kaq, ai është futbollist, nuk ka arsye që kjo histori të vazhdojë pa fund”.

“Kemi interesa të shumta në tregon brazilian, ndaj kemi shumë kontrata me babain e Neymarit, në lidhje me marketingun, skautingun”.

“Kontrata e tij me Santosin përfundonte në vitin 2014 dhe ne mund ta merrnim falas, ndaj ramë dakord me babain e tij, duke i premtuar pagesë familjes së tij, nëse Neymari vinte falas te Barcelona. Më pas, trajneri ynë e kërkoi më herët Neymarin dhe për këtë arsye biseduam me Santosin, që duhet të jetë i lumtur që ka përfituar nga Neymari. Pas Botërorit nuk do të kishim paguar askënd për Neymarin”, ka thënë Bartomeu.